ဗုဒ္ဓဘာသာဝင် အများစုသည် အသက်သာ ငါးဆယ်ကျော်၍ ခြောက်ဆယ်နား ကပ်လာ
သည့်တိုင် မိမိ လူလာဖြစ်ရခြင်း၏ အဓိက ရည်ရွယ်ချက်ကို သိသူအလွန်နည်း၏။ သိရန်လည်း
လေ့လာသုံးသပ်ကြပုံမရှိကြ။ မေးခဲ့လျှင်လည်း ရုတ်တရက် ဘာဖြေရမှန်း မသိအောင် နှုတ်ဆွံ့
သွားကြတတ်ပါသည်။
ဗုဒ္ဓဘာသာဝင် သူတော်စင်တို့အနေနဲ့ လူဖြစ်ရခြင်း၏ အဓိက ရည်ရွယ်ချက်သည် ဒါနကု
သိုလ်၊ သီလကုသိုလ်၊ သမထဘာဝနာကုသိုလ်၊ ၀ိပဿနာဘာဝနာကုသိုလ်၊ မဂ်ကုသိုလ်၊ ဖိုလ်ကု
သိုလ် ခြောက်မျိုးလုံးကို အရယူရန်အတွက် ဖြစ်ပါသည်။ စီးပွားဥစ္စာ ရှာဖွေခြင်းသည်ပင် ထို ကု
သိုလ်ခြောက်မျိုး ပြုလုပ်ရန်အတွက် ဖြစ်ပါသည်။ သုံဆယ့်တစ်ဘုံတွင် အပါယ်လေးဘုံသည် ဆင်း
ရဲဒုက္ခတွေ များလွန်းအားကြီး၍ မည်သည့်ကုသိုလ်မျှ ပြုလုပ်၍မရပါ။ နတ်ဘုံခြောက်ထပ်နှင့်
ဗြဟ္မာ့ဘုံ နှစ်ဆယ်သည်ကား ချမ်းသာသုက္ခတွေ များလွန်းအားကြီး၍ ကုသိုလ်တရား များကိုပင်
တင်းပြည့်ကျပ်ပြည့် ပြုလုပ်၍ မရပြန် ဖြစ်ပါသည်။
ဥပမာအားဖြင့် နတ်ပြည်၊ ဗြဟ္မာပြည်၌ အလှူခံ မရှိ၍ ဒါနကုသိုလ် မည်သို့သောနည်းနှင့်
မျှ မရနိုင်ပါ။ ထို့ကြောင့် ဤသုံးဆယ့်တစ်ဘုံတွင် ဤလူ့ဘုံ တစ်ဘုံတည်းသာလျှင် ကုသိုလ်အား
လုံးကို ဆည်းပူးအားထုတ်၍ ရပါသည်။ ဤအချက်များကြောင့် လူဖြစ်ရခြင်း၏ အဓိက ရည်ရွယ်
ချက်သည် ကုသိုလ်ပြုဖို့အတွက်ဟု ဆိုခဲ့ရခြင်းဖြစ်ပါသည်။
ထို့ကြောင့် ပစ္စည်းဥစ္စာကို များများရအောင် ရှာသလို များများလည်း လှူဒါန်းရပါမည်။
အလှူဒါနပေးသူနှင့် ယူသူတွင် ပစ္စက္ခမျက်စိဖြင့် ကြည့်ပါက ယူသူကသာရပါသည်။ သံသရာမျက်
စေ့ဖြင့်ကြည့်ပါက ပေးသူကသာ ရပါသည်။ ဤကဲ့သို့ သံသရာ တစ်လျှောက်ထိ ထိုးထွင်း၍ သိ
သောပညာကို တကယ့်ဉာဏ်ပညာဟု ခေါ်ပါသည်။
ထို့ကြောင့် ပညာမဲ့လူမိုက်များသည် ရလာသော လူ့ဘ၀ခန္ဓာကို အဆင်း၊ အသံ၊ အနံ၊ အ
ရသာ၊ အတွေ့အထိဟူသော ကာမဂုဏ် ခံစားဖို့အတွက် အသုံးချတတ်၍ အပါယ်လေးဘုံသို့ သွား
ကြပါတယ်။ ပညာရှိ လူလိမ္မာများသည် ရလာသော လူ့ဘ၀ခန္ဓာကို ကုသိုလ်ရဖို့အတွက် အသုံးချ
၍ ဒုက္ခဆင်းရဲငြိမ်းရာ နိဗ္ဗာန်ချမ်းသာကို ခံစားရရှိကြပါတယ်။
ဓမ္မမိတ်ဆွေတို့ကလည်း တရားသဘောကို နားလည်သဘောပေါက်ကြပြီး မိမိတို့လူ့ဘ၀
ရခိုက်မှာ ကောင်းတဲ့ကုသိုလ်အမှုများကိုသာ ပြုလုပ်ခြင်းဖြင့် နိဗ္ဗာန်ချမ်းသာကို ဖြောင့်ဖြောင့်
တန်းတန်း သွားနိုင်ကြပါစေ ကုန်သတည်း။ ။
___
" သင် လူတစ်ယောက် ဖြစ်ပြီလား ? "
လူအဖြစ် ရခဲပုံနှင့် ပတ်သက်ပြီး ဘာသာခြား တစ်ယောက်က မေးမြန်းလာသည်ကို ဦးချစ်ဝင်းက လူလေးမျိုးနှင့် နှိုင်းယှဉ်ပြီး ဖြေကြားသွား၏။
ဘာသာခြား. . .ဦးလေးတို့ဘုရားက လူအဖြစ်ကို ရခဲတယ် , ရခဲတယ်နဲ့ ဟောကြားထားတာ လက်မခံနိုင်ပါဘူး။ ကမ္ဘာမှာ တစ်စက္ကန့်ကို လူငါးယောက်နှုန်းနဲ့ မွေးနေတယ်ဆိုပဲ။ ဒီအဆိုအရ လူဖြစ်ခဲတယ် ဆိုတာ မဟုတ်နိုင်ဘူး။ တရုတ်ပြည်မှာ ဆိုရင် အိမ်ထောင်စု တစ်စုကို တစ်ယောက် သို့ နှစ်ယောက်ပဲ မွေးခွင့်ရတယ်တဲ့။ ကဲ ဦးလေး ဘယ်လို ဖြေမှာလဲ .?
ဦးချစ်ဝင်း . . . ဒါကတော့ မင်းရဲ့ ခြင်ကောင် ဦနှောက်နဲ့ တွေးရင်တော့ ဟုတ်နေသလိုပဲပေါ့။ မွေးလာတဲ့သူ ရှိသလို သေသွားတဲ့သူလည်း ရှိမယ် ဆိုတာ ထည့်တွက်ရမယ်လေ။ တစ်စက္ကန့်မှာ ငါးယောက် မွေးပေမယ့် တစ်စက္ကန့်မှာ ငါးယောက်သေနေမယ်ဆိုရင် ဘယ်လို တွေးမလဲ ?
လူအဖြစ်ရခဲပုံကို မွေးသေနဲ့ နှိုင်းယှဉ်ယုံနဲ့တင် မသိရသေးဘူး။ တိရိစ္ဆာန် အရေအတွက်နဲ့ လူ အရေအတွက် နှိုင်းယှဉ်ကြည့်မှ ပိုသိရတယ်။
ဥပမာ ခြတောင်ဘို့တစ်ခုဆိုရင် ခြကောင်ရေ မရေမတွက်နိုင်အောင် များတယ်။ ခြင် , ယင် , ပုရွက်ဆိတ် , ဒီအကောင်လေးတွေနဲ့ နှိုင်းယှဉ်ကြည့်လိုက် , လူတွေ ဘယ်လောက် နည်းသွားတယ် ဆိုတာ ပေါ်လွင်နေပြီ။
ဘာသာခြား . . . ဒီလို ယှဉ်တွေးကြည့်တော့ ဟုတ်သားပဲ။
ဦးချစ်ဝင်း . . တို့ဘုရားက လူအဖြစ် ရခဲပုံကို . .
လူနဲ့ တိရိစ္ဆာန် ယှဉ်ကြည့်ပြီး မွေးသေ အဝင်အထွက်ကို သင်္ချာနည်းနဲ့ တွက်ချက်ပြီး မဆုံးဖြတ်ဘူး။
မွေးလာတဲ့ လူတိုင်းကိုလည်း လူလို့ မသတ်မှတ်ပါဘူး။
ဘာသာခြား . . . ဒါဆို ဘယ်လိုလူကို လူလို့ သတ်မှတ်ရမှာလဲ ?
ဦးချစ်ဝင်း . . တို့ဘုရားက လူကို အမျိုးအစား လေးမျိုးနဲ့ ခွဲခြားပြီး သတ်မှတ်တယ်။ အဲဒီလေးမျိုးက . .
၁။လူငရဲသား
၂။ဘူတိရစ္ဆာန်
၃။လူဗြိတ္တာ
၎။လူပရမတ္တ. . . . . . . ဆိုပြီး ခွဲခြားသတ်မှတ် ထားတယ်။
၁။လူ့ငရဲသား . . . .
-ကုသိုလ် , အကုသိုလ် ရယ်လို့ မခွဲခြားတတ်။
-ဒါန , သီလ လည်း မရှိ။
-ဘာဝနာ ဆိုတာ ဝေလာဝေး။
-မွေးလာကတည်းက ဒုက္ခနဲ့စ , ဒုက္ခနဲ့ ဆုံးပြီး လူ့လောက ကနေ ထွက်ခွာသွားရသူများကို လူ့ငရဲသား တဲ့။
၂။လူ့တိရစ္ဆာန် . . .
-တိရစ္ဆာန် ဆိုတာ စားဖို့ ရှာမယ်။ စားမယ်။ အိပ်မယ်။ ကာမဂုဏ် ခံစားမယ်။ ဒါပဲ သိတယ်။
လူဟာလည်း စားဖို့ , အိပ်ဖို့ , ကာမဂုဏ် ခံစားဖို့ , ဒီသုံးမျိုးပဲ သိပြီး
ဘုရား, တရား , သံဃာ ဆိုတဲ့ ရတနာသုံးပါးကို မသိ။ ဘာသာရေးလည်း နားမလည်။ နားလည်ဖို့ လဲ မကြိုးစား။ မလေ့လာ , ဘာသာရေးသုတ မရှိတော့ ဒါနမသိ , သီလမရှိ , ကုသိုလ် အကုသိုလ် မခွဲခြားတတ်. . ပဲ လူ့ဘဝမှာ နေရင်း သေသွားသူများကို လူ့တိရစ္ဆာန်လို့ ဘုရားက သတ်မှတ်တော်မူတယ်။
၃။လူ့ဗြိတ္တာ . . . လူ့ဘဝတော့ ရလာပါရဲ့။ ရောဂါ ထူပြောတဲ့အတွက် သူများနဲ့ တန်းတူ မဟုတ်ဘဲ ခက်ခဲပင်ပမ်းစွာ ရုန်းကန်ပြီး စားဖို့ , ဝတ်ဖို့ အလျင်မီအောင် မနည်းကြိုးစားရတဲ့ ဒုက္ခတွေကြောင့် ရတနာသုံးပါးကို သတိမရနိုင်။ ဒါနမှု , သီလမှုတွေ မဆောက်တည်နိုင် , မပြုလုပ်နိုင်ဘဲ လူ့ဘဝကို စွန့်ခွာသွားရသူတွေကို လူ့ဗြိတ္တာ တဲ့။
၎။လူပရမတ္တဆိုတာကတော့ မိရိုးဖလာ ဗုဒ္ဓဘာသာဝင် မဟုတ်ဘဲ
ရတနာသုံးပါးကို ယုံကြည်မှုသဒ္ဓါနဲ့ ကိုးကွယ်တယ်။
ဒါနပြုရာမှာ ပါရမီထိုက်အောင် ပညာနဲ့ လှူတယ်။
သီလကိုလည်း မကျိုးပေါက်အောင် အသက်နဲ့ လဲပြီး စောင့်ထိန်းတယ်။
ဝိပဿနာတရားကိုလည်း နာကြား အားထုတ်ပြီး
-ကုသိုလ် , အကုသိုလ် ခွဲခြားနိုင်တဲ့သူကို ဆိုလိုတာ ဖြစ်ပြီး ဒီလိုဘဝမျိုး ပိုင်ဆိုင်သူကိုမှ လူလို့ တို့ဘုရားရှင်က သတ်မှတ်တယ်။
ဒီစံနှုန်းနဲ့ တိုင်းတာမယ်ဆိုရင် တစ်စက္ကန့်မှာ လူငါးယောက် မွေးတာ မပြောနဲ့ , လူတစ်ရာ , တစ်ထောင် မွေးတဲ့အထဲမှာ လူတစ်ယောက် ဖြစ်ဖို့ လွယ်မလား ?
တို့ဘုရားဟောအရ ပြောရရင် မင်းတောင် လူထဲ မပါဘူး။ ဦးလေး ရှင်းပြတဲ့ လူလေးမျိုးအကြောင်း အဆုံးမှာ ဘာသာခြားပုဂ္ဂိုလ် ခေါင်းငိုက်စိုက်ချပြီး ပြန်သွားတော့တယ်။
* * * * * * * * * * * * * * *
"လူတစ်ယောက်အဖြစ် သတ်မှတ်နိုင်သော အင်္ဂါ"
လောကီလူသားများက လူတစ်ယောက်အဖြစ်
သတ်မှတ်သော အင်္ဂါနှင့် ,
ဘုရားအစရှိသော သူတော်ကောင်းများ၏
လူတစ်ယောက်အဖြစ် သတ်မှတ်သော အင်္ဂါသည်
မိုးနှင့်မြေလို ကွာခြား လွန်းလှပါသည်။
-လောကီလူသားများက . . .
-အမျိုးမြတ်ခြင်း ။
-ခေတ်ပညာတတ်ခြင်း ။
-ရာထူး ကြီးမြင့်ခြင်း ။
-ဥစ္စာစည်းစိမ် ပေါများခြင်း . . . ဟူသော အင်္ဂါများ နှင့် ပြည့်စုံလျှင် အထက်တန်းစား လူတစ်ယောက် အဖြစ် သတ်မှတ်ကြသည်။
ဘုရားရှင်၏ လူတစ်ယောက်အဖြစ် သတ်မှတ်သော အင်္ဂါ သုံးချက်ရှိသည်။ ထိုအင်္ဂါသုံးချက်တွင် အထက်ဖော်ပြပြီး အင်္ဂါများ တစ်ချက်မှ ပါမလာ။
အင်္ဂတ္ထိုရ်ပါဠိတော် , တိကနိပါတ်တွင် ဇမ္ဗူဒိပ်ကျွန်းနေ လူသားများက . . နတ်ထက်သာလွန်သော , လူတစ်ယောက်အဖြစ် သတ်မှတ်နိုင်သော အင်္ဂါသုံးချက်ကို ယခုလို ဟောကြားထားပါ၏
သတ္တိ . . . ကုသိုလ်တရားများကို ရဲဝံ့စွာ လုပ်ရဲခြင်း။
သတိ. . .ကုသိုလ်တရားများအပေါ် သတိရခြင်း။
ဗြဟ္မစရိယ . . . မြတ်သောအကျင့်ကို ကျင့်သုံးနိုင်ခြင်း။
ဤသည်မှာ ဗုဒ္ဓ၏ လူတစ်ယောက်အဖြစ် သတ်မှတ်သော အင်္ဂါများပင် ဖြစ်သည်။
" မေတ္တာရှင် ရွှေပြည်သာ "
No comments:
Post a Comment