ဘုရား တရား သံဃာ ရတနာ သုံးပါးကို မြတ်နိုးစွာ ဆည်းကပ်ကိုးကွယ်သော လူပုဂ္ဂိုလ်ကို ဥပါသကာ ဟုခေါ်ဆိုရ၏ ၊
အမျိုးသမီးဖြစ်လျှင် ဥပါသိကာမ ဟုခေါ်ဆိုရ၏
လူပုဂ္ဂိုလ်တို့သည် မိမိ၏ ခန္ဓာကိုယ်နှင့် အသက်ကို မငဲ့ကွက်ဘဲ ရတနာမြတ်သုံးပါးအား ပေးလှူခြင်း ၊ ရတနာသုံးပါးအပေါ်၌
ယုံကြည်ကိုးစား အားထားခြင်း ၊ရတနာမြတ်သုံးပါး၏ တပည့်သားအဖြစ် စွဲမှတ် ခံယူခြင်း ၊ ရတနာမြတ်သုံးပါးကိုသာလျှင် ရှိခိုးမှု
ရိုသေကိုင်းရှိုင်းမှု ပြုခြင်း စသောနည်းလမ်းတို့ဖြင့် ရတနာသုံးပါးကို ကိုးကွယ်ဆည်းကပ်တက်သော ပုဂ္ဂိုလ် (ဥပါသကာ ၊ ဥပါသိကာမ)
အဖြစ်သို့ ရောက်ရှိကြသည်။ ထိုသို့ ဥပါသကာဖြစ်ပြီးသူများကို ”ဗုဒ္ဓဘာသာဝင် သူတော်စင်” ဟု သတ်မှတ်ရသည်။
ဥပါသကာတို့ ရှောင်ရန် အချက်များ
ဥပါသကာအဖြစ် ခံယူပြီးသော ဗုဒ္ဓဘာသာဝင်ကောင်း တစ်ယောက်သည် ငါးပါးသီလကို ခါးဝတ်ပုဆိုးကဲ့သို့ မြဲ၍ စွမ်းနိုင်ပါမှု
ရှစ်ပါး ၊ ဆယ်ပါးသီလများကို စောင့်ထိန်း၍ ဖော်ပြလတ္တံပါ အချက်များကို ရှောင်ကြည်ရမည် -
( ၁ ) လက်နက်ရောင်းဝယ် ဖောက်ကားခြင်း ၊
( ၂ ) လူအရောင်းအဝယ် ပြုလုပ်ခြင်း ( ကျွန်ရောင်း ကျွန်ဝယ်ခြင်း ၊ပြည့်တန်ဆာ ရောင်းဝယ်ခြင်း စသည် )၊
( ၃ ) ကြက် ဝက် အမဲ သား ငါး ရောင်းဝယ်ခြင်း ၊
( ၄ ) မူးယစ်ဆေးဝါး အမျိုးမျိုး နှင့် သေရည် သေရက် ရောင်းဝယ်ခြင်း ၊
( ၅ ) လူကို သေစေတက်သည့် အဆိပ် ရောင်းဝယ်ခြင်း တို့ ဖြစ်ပါသည်။
ဥပါသကာ အရည်အချင်း နှင့် ပြည့်စုံခြင်း
ဥပါသကာအဖြစ်သို့ ရောက်ပြီးသော ဗုဒ္ဓဘာသာဝင်တစ်ယောက်သည် -
( ၁ ) သဒ္ဓါတရား နှင့် ပြည့်စုံရ၏
( ၂ ) အနည်းဆုံး ငါးပါးသီလ လုံခြုံရ၏
( ၃ ) ကောတုဟလ မင်္ဂလာခေါ် အထူးအဆန်း မင်္ဂလာကို ယုံကြည်လက်ခံခြင်း မပြုရ ၊
( ၄ ) ကံ ၊ ကံ၏ အကျိုးကို ယုံကြည်ရ၏
( ၅ ) အယူပျက်သည့် သာသနာပ အလှူခံပုဂ္ဂိုလ်တို့ကို မပြုရ ၊ မလှူဒါန်းရပေ။
အဆိုပါ အင်္ဂါရပ်တို့နှင့် ပြည့်စုံသော ပုဂ္ဂိုလ်ကို -
( ၁ ) ဥပါသကရတန = နှစ်သက်ကြည်ညိုဖွယ် ဥပါသကာဟူ၍ လည်းကောင်း ၊
( ၂ ) ဥပါသကပဒုမ = ပဒုမ္မာကြာနှင့် တူသော ဥပါသကာဟူ၍ လည်းကောင်း ၊
( ၃ ) ဥပါသကာပုဏ္ဍရိက = ကြာဖြူနှင့်တူသော ဥပါသကာ ဟူ၍ လည်းကောင်း ၊
ခေါ်ဆိုထိုက်ပါသည် ။
ဥပါသကာ ပျက်စီးခြင်း
ဥပါသကာ ဖြစ်ပြီးသူသည် -
( ၁ ) သဒ္ဓါမရှိခြင်း ၊
( ၂ ) သီလ မရှိခြင်း
( ၃ ) အထူးအဆန်း မင်္ဂလာကို သက်ဝင်ယုံကြည်ခြင်း ၊
( ၄ ) ကံ၊ ကံ၏ အကျိုးကို မယုံကြည်ခြင်း ၊
( ၅ ) အယူပျက်သော သာသနာပ တိတ္တိတို့ကို ရှိခိုးခြင်း ၊ အရိုအသေ ပြုခြင်း ၊ လှူဒါန်းခြင်း
စသည့်အချက်တို့ကို ပြုလုပ်ပါက ရတနာသုံးပါးအပေါ် ကိုးကွယ်ဆည်းကပ်သော ဥပါသကာအဖြစ်ပျက်ပြယ်သွားပါသည်။
ထို့ကြောင့် ဖော်ပြခဲ့သော သွေဖည်ဖျက်ချက် ၅ ချက် နှင့် ပြည့်စုံသော ပုဂ္ဂိုလ်ကို -
( ၁ ) ဥပါသကစဏ္ဍာလ = ဒွန်းစဏ္ဍား ဥပါသကာဟူ၍ လည်းကောင်း ၊
( ၂ ) ဥပါသကမလ = မသန့်ရှင်းသော ဥပါသကာဟူ၍ လည်းကောင်း၊
( ၃ ) ဥပါသကပဋိကိဋ္ဌ = စက်ဆုပ် ရွှံရှာဖွယ် ဥပါသကာဟူ၍ လည်းကောင်း
ခေါ်ဆိုရတော့၏
ဥပါသကာ၏ ဂုဏ်ရည် ၁၀ ပါး
ရတနာသုံးပါးကို ဆည်းကပ် ကိုးကွယ်သော ပုဂ္ဂိုလ်တစ်ယောက်သည် ဖော်ပြလတ္တံပါ ဂုဏ်အင်္ဂါများနှင့် ပြည့်စုံပါက
အဆင့်မြင့် ဥပါသကာ ဂုဏ်သရေရှိ ဥပါသကာ စစ်စစ် ဖြစ်ပါသည် -
( ၁ ) ဘုရားရှင်၏ တပည့်သား သံဃောများနှင့် အေးအတူ ပူအမျှ ဆင်းရဲချမ်းသာကို ဝေမျှ ခံစားခြင်း ၊
( ၂ ) ဗုဒ္ဓ၏ တရားတော်ကိုသာ အလေးဂရုပြုခြင်း ( အခြားသာသနာပ အယူဝါဒများကို လုံးဝ ဂရုမပြုခြင်း)၊
( ၃ ) မိမိရှိသမျှ ပစ္စည်းဥစ္စာကို မျှတစွာ ခွဲခြားသုံးစွဲ လှူဒါန်းတက်ခြင်း ၊
( ၄ ) ဘုရားသာသနာ ပျက်စီးမည့် အရေး တွေ့မြင်ပါက သာသနာတော်ကြီးပွားရာ ကြီးပွားကြောင်းကိုသာ မနေမနား
ကြိုးစားအားထုတ်ခြင်း
( ၅ ) အယူဖြောင့်မှန်ပြီး လူပြိုန်းတို့ လက်ခံသည့် အထူးအဆန်းမင်္ဂလာကို ယုံကြည်မှု မရှိသည့်အပြင် မိမိအသက်ကို
ပဓာနမထားဘဲ မိမိကိုးကွယ်ရာ ဆရာ ( ဘုရား ) မှ အခြား အယူပျက်သော တတ္တိဆရာများကို မိမိ၏ ဆရာအဖြစ်
မည့်သည့် အခါမျှ မရည်ညွှန်းခြင်း၊
( ၆ ) ကာယကံ ၊ ဝစီကံကို စောင့်ထိန်းခြင်း ၊
( ၇ ) အတူနေ ပုဂ္ဂိုလ်များနှင့် သင့်တင့် ညီညွှတ်စွာ နေထိုင်တက်၍ အချင်းချင်းအပေါ် ငြူစူမှုကင်းပြီး သာသနာတော်ကို ခုတုံး
လုပ်၍ ဟန်ဆောင် ပလွှား ဝါကြွားမှု မပြုခြင်း ၊
( ၈ ) ဘုရား ရတနာကို ကိုးကွယ်ဆည်းကပ်းခြင်း ၊
( ၉ ) တရားရတနာကို ကိုးကွယ်ဆည်းကပ်ခြင်း ၊
( ၁၀ ) သံဃာရတနာကို ကိုးကွယ်ဆည်းကပ်ခြင်းတို့ ဖြစ်ပါသည် ။
( မိလိန္ဒပဥှာ ၊ ၁၀၂ )
တွင်လည်းဖတ်ရှူ နိုင်ပါသည် ။
---------------------------------------------------------------------------
posted from Bloggeroid
No comments:
Post a Comment