အောင်မြင်တဲ့သူ

မြတ်စွာဘုရားက " သုတဝသေန ပိဟိ ဥပသမေ စိတ္တံပသီဒတိ" တဲ့ ။
" ငြိမ်းချမ်းခြင်းဆိုတာကို ကြားရုံမျှနဲ့ စိတ်က ကြည်လင်ပါတယ် " တဲ့ ။

စိတ်ထဲ
- ကြည်လင် အေးချမ်းမှုရှိမယ် ၊
- ပျော်ရွှင်မှု လဲ ရှိမယ် ၊
- ကိုယ်ချစ်တဲ့အလုပ် , နှစ်သက်တဲ့အလုပ်ကိုလဲ
လုပ်နေရမယ် ဆိုရင် သင်ဟာ အောင်မြင်တဲ့သူ ဖြစ်ပါတယ် ။
---------------------------------

- အောင်မြင်မှုကို ဘာနဲ့ တိုင်းတာမလဲ ၊
များသောအားဖြင့်
- ပစ္စည်းဥစ္စာ ဘယ်လောက် ရှာနိုင်သလဲ ၊
- ရာထူးဘယ်လောက် ကြီးသလဲ ၊ ဆိုတာနဲ့ပဲ တိုင်းတာကြတာနော် ။

- ပစ္စည်း မရှာနိုင်ကြတဲ့အခါ ,
- ရာထူးမရှိတော့တဲ့ အခါ . . ဘယ်လိုနေမလဲ ၊
ကိုယ့်ဘဝမှာ အောင်မြင်တဲ့လူလို့ စိတ်ထဲ ခံစားလို့ ရနိုင်ဦးမှာလား ၊ ဘယ်လိုမှ မရနိုင်တော့ဘူးနော် ။

နဂိုထဲက ပစ္စည်းကို အထင်ကြီးလွန်းသူ , ရာထူးကို အထင်ကြီးလွန်းတဲ့သူဟာ ဒီပစ္စည်း ရာထူးတွေ ရနေချိန်မှာ ဒါတွေကြောင့် မာန်မာနတွေ တက်ပြီးတော့ . . .

ကိုယ့်ကိုယ်ကို အထင်ကြီးနေမယ် , ဘဝင်မြင့်နေမယ် , သူတပါးအပေါ်မှာ အထက်စီးနဲ့ မောက်မောက်မာမာ ဆက်ဆံပြောဆိုနေမယ် ဆိုရင် အဲဒီအချိန်မှာလဲ စိတ်အေးချမ်းမှာ မဟုတ်ဘူး ။
-----------------------------------

တစ်နေ့မှာ လောကဓံတရားကြောင့် အဲဒီ ပစ္စည်း ဥစ္စာ ရာထူး ဆုံးရှုံးသွားတဲ့အခါ , ရာထူးက အနားယူ လိုက်တဲ့အခါ ဘယ်လို ဖြစ်သွားမယ် ထင်သလဲ ၊

အရင်တုန်းက အင်မတန် အစွမ်းအစ ရှိပါတယ် ဆိုတဲ့ သူတစ်ချို့ ၊
ဟန်ကြီးကြီး မာန်ကြီးကြီးနဲ့ သတ္တိကောင်းတယ် လို့ ထင်ရတဲ့လူတစ်ချို့ဟာ အင်မတန် အားငယ်ပြီးတော့ အများကြီး စိတ်ဆင်းရဲသွားတာ တွေ့ရတယ် ။

စိတ်ဓါတ် ကျဆင်းသွားတာ တွေ့ရတယ် ။
စိတ်ဓါတ်ကျပြီး ရောဂါတွေ ဖြစ်လာတဲ့အတွက်ကြောင့် ကျန်းမာရေးပါ ထိခိုက်ကုန်တယ် ။

ပစ္စည်းကြောင့် , ရာထူးကြောင့် မောက်မာတဲ့ သူဟာ ပစ္စည်းရှိတုန်း ရာထူးရှိတုန်းကလည်း စိတ်မချမ်းသာရသလို. . .
ပစ္စည်းနဲ့ ရာထူးတွေ ပျက်စီးဆုံးရှုံးသွားရင်လည်း သူဟာ အင်မတန် စိတ်ဆင်းရဲသွားရတယ် ။
--------------------------------------

ပစ္စည်းဥစ္စာ ရှိနေတုန်းမှာလဲ " ပျက်စီးဆုံးရှုံးသွားရင်တော့" လို့ တွေးမိပြီး စိတ်ဆင်းရဲကြတယ် ။ စိတ်ချရအောင် ဆိုပြီး များများရှာတယ် ။

ရာထူးရှိသူကလဲ ရာထူးမြဲမြံအောင် ဆိုပြီး အစွမ်းကုန် ကြိုးစားကြတယ် ။ မလုပ်သင့်တာတွေ အများကြီး လုပ်မိကြတယ် ။
ဘာပဲဖြစ်ဖြစ် ပစ္စည်းဥစ္စာနဲ့ရာထူးဆိုတာ စိတ်ရဲ့ ကြည်လင်အေးချမ်းမှုကို ဘယ်နည်းနဲ့မှ မပေးနိုင်ပါဘူး ။

စားဝတ်နေရေးအတွက် မလုပ်မဖြစ်လို့ ရှာဖွေရတယ် , နောင်ရေးအတွက် ဆိုပြီး အမြော်အမြင်နဲ့ စုဆောင်းရတယ် ။ ဒါတွေဟာ လုပ်သင့်လုပ်ထိုက်တဲ့ ကိစ္စတွေပါ ။
ခန္ဓာရှိနေလို့ ခန္ဓာဝန်ကို ထမ်းရတာပါ ။

ဒါတွေကို သတိလေးနဲ့ ဉာဏ်လေးနဲ့ လုပ်ပါ ။
စိတ်တကယ် အေးချမ်းဖို့က သူတို့ကို အားကိုးလို့ မဖြစ်ပါဘူး ။
------------------------------

ပစ္စည်းဥစ္စာ ရာထူးဆိုတာ
- စားဝတ်နေရေးမျှပဲ ။
- ခန္ဓာကိုယ် တည်တံ့ရုံမျှပဲ ။
- စိတ်အေးချမ်းမြင့်မြတ်မှု ရဖို့ကတော့ ...
- ဝိပဿနာတရားကို တကယ်ကြိုးကြိုးစားစား အားထုတ်မှ ဖြစ်မှာပါ ။

အဲဒီတော့ စိတ်မှာ ငြိမ်းချမ်းမှုလဲ ရှိနေတယ် , ပျော်ရွှင်မှုလဲ ရှိတယ် , ရွှင်လန်းမှုလည်း ရှိတယ် , ကိုယ်အင်မတန် နှစ်သက်တဲ့ တရားဘာဝနာ အလုပ်ကိုလည်း အားထုတ်နေရတယ်ဆိုရင် ...

- သင်ဟာ အောင်မြင်တဲ့သူ ဖြစ်ပါတယ် ။

" ဆရာတော် ဦးဇော်တိက "
( အပျော်ဆုံးလူ ၊ စာ- ၈၀- ၈၂) မှ ကောက်နုတ် ပူဇော်ပါ၏

-----------------------------------------------------------------------------https://www.facebook.com/muditaralinnsayadwdhamachannallive/
တွင်လည်းဖတ်ရှူ နိုင်ပါသည် ။
---------------------------------------------------------------------------

posted from Bloggeroid