သမထနဲ့ ၀ိပဿနာ´´

စိတ်စင်ကြယ်အောင် အားထုတ်ရတဲ့ ကျင့်စဉ်ကို ဘာဝနာလို့ ခေါ်တယ်။

စိတ်ဟာ ကိလေသာတို့ကြောင့် ညစ်နွမ်းနေတယ်။ ကိလေသာမရှိရင် စိတ်ဟာ စင်ကြယ်သွားတယ်။

သန္တတိအမတ်ကြီးကို ကြည့်လိုက်ပေါ့။ ကချေသည်မလေး သေတော့ သောကတွေ ဖြစ်ပြီး ထောက်တည်ရာမဲ့သွားတယ်။ ဘုရားထံမှာ တရားနာ၊ တရားကြောင့် စိတ်လေးဟာ ကြည်လင်လာတယ်။ အဲဒီနောက် ဘာဝနာ ပွားများတဲ့အခါ ရဟန္တာကြီး ဖြစ်သွားတာ။ အဲဒါ စိတ်စင်ကြယ်သွားလို့။ အဲဒါကို ဘာဝနာလို့ ခေါ်တယ်။

ဘာဝနာ ၂-မျိုး
----------

ဘာဝနာဟာ သမထ ၀ိပဿနာဆိုပြီး ၂-မျိုးရှိတယ်။ စိတ်ရဲ့သဘာဝက တည်ငြိမ်မှု မရှိဘူး။ ယောက်ယက်ခတ်နေတယ်။ အဲဒီစိတ်ကို တည်ငြိမ်အောင် သမထကို ပွားများရမယ်။

သမထ
---------

သမထဆိုတာ “သမာဓိ ထူထောင်တဲ့ အလုပ်” ပါပဲ။ ဘုရားရှိခိုးတယ်၊ ဗုဒ္ဓါနုဿတိပဲ။ မေတ္တာပို့တယ်။ သမထပါပဲ။ ဘုရားရှိခိုးနေတဲ့အချိန်၊ မေတ္တာပို့နေတဲ့အချိန် စိတ်ဟာ ငြိမ်းအေး နေတယ်။ စိတ်ကိုငြိမ်းအေးစေလို့ သမထလို့ ခေါ်တယ်။

ဝိပဿနာ
-----------

သတ္တ၀ါတွေဟာ ကိုယ့်ဘ၀လေးကို လိုချင်ဘွယ် နှစ်သွယ်ဘွယ်လို့ မြင်တယ်။ ဒါ မှန်ကန်တဲ့ အမြင် မဟုတ်ဘူး။ ဘ၀ဆိုတာ (အနိစ္စ) ဖောက်ပြန်တတ်တယ်။ ၀ိပဿနာအားထုတ်လိုက်တော့ အနိစ္စကိုမြင်တယ်။ အနိစ္စမြင်တော့ ဒုက္ခမြင်သွားတယ်။ ဒုက္ခ မြင်တော့ တွယ်တာမှုတွေ ကင်းသွားတယ်။ မှန်ကန်တဲ့အမြင် ရဖို့အတွက် ၀ိပဿနာရှုမှတ်ရတာပါ။

အာရုံ
---------

ဘာဝနာရဲ့ အာရုံက ပညတ်ပရမတ်ဆိုပြီး ၂-မျိုးရှိတယ်။ ပညတ်ဆိုတာ ခေါ်ဝေါ်သတ်မှတ်ထားတဲ့ အမည်တွေပဲ။ လူတို့ နတ်တို့၊ ယောက်ျားတို့ မိန်းမတို့။ ဒါ ပညတ်ပဲ။ ပညတ်ကိုပဲ သမုတိသစ္စာလို့ ခေါ်တယ်။ လောကအမြင်နဲ့ ကြည့်ရင် မိဘဟာ မိဘပဲ၊ သားသမီးဟာ သားသမီးပဲ။ ဆရာက ဆရာပဲ၊ တပည့်က တပည့်ပဲ။ ဒါ အမှန်တရား။ အမှန်တရားဖြစ်လို့ သမုတိသစ္စာ။ ဒါကြောင့် ပညတ်ကို ပစ်ပယ်လို့မရဘူး။

စာသင်ပေးနေတဲ့ ကျောင်းဆရာတစ်ယောက်၊ ကျောင်းသားလည်း ရုပ်နဲ့နာမ်ပဲ၊ ကိုရင်လည်း ရုပ်နဲ့နာမ်ပဲဆိုပြီး ကိုရင် ဦးခေါင်းကို ခေါက်လို့ ရမလား။ မရဘူး။ ကိုရင်ဆိုတာ ဆယ်ပါးသီလ၊ လူဆိုတာ ငါးပါးသီလ။ ဒီတော့ ဂုဏ်ချင်း မတူဘူး။ အဲဒါ ပညတ်ကို ကြည့်ပြီး ဂုဏ်ကို သတ်မှတ်တာ။ ဒါကြောင့် ပညတ်ကို ပယ်လို့ရမလား။ သူ့နေရာနဲ့သူပဲ။

ဝိပဿနာအားထုတ်ရင်တော့ ပညတ်ကို ခွါပြီး ရုပ်နာမ်ကို မြင်အောင် ကြည့်ရတယ်။ ဘာအတွက်လဲ၊ ကိလေသာကို ပယ်နိုင် အောင်လို့။ ၀ိပဿနာအမြင်နဲ့ ကြည့်မယ်ဆိုရင် မိဘလည်း ရုပ်နာမ်၊ သားသမီးလည်း ရုပ်နာမ်။ ဒီတော့ အတ္တဒိဋ္ဌိ ပျောက်သွားတယ်။ ငါစွဲပျောက်တော့ တွယ်တာမှု မရှိတော့ဘူး။ အဲဒီရုပ်နဲ့နာမ်ကို ပရမတ်လို့ ခေါ်တယ်။ အဲဒါ ၀ိပဿနာရဲ့အာရုံပဲ။

သမထက ပညတ်ရော ပရမတ်ရော ၂-မျိုးလုံး အာရုံပြုတယ်။ ၀ိပဿနာကျတော့ ပရမတ်ကိုပဲ အာရုံပြုတယ်။ ဒါကြောင့် ၀ိပဿနာ အားထုတ်တဲ့ အခါ ပညတ်ကို ခွါပြီး ပရမတ်ကို ရှုရတယ်။

သီလဆောက်တည်
----------------

တရားအားမထုတ်မီ ရှေးဦးစွာ သီလဆောက်တည်ရတယ်။ သီလရှိမှ စိတ်ကြည်လင်တယ်။ စိတ်ကြည်လင်မှ ပီတိဖြစ်တယ်။ ပီတိဖြစ်မှ စိတ်ချမ်းသာတာ။ စိတ်ချမ်းသာမှ သမာဓိရတယ်။ သမာဓိရမှ အမှန်အတိုင်းသိတယ်။

တောင်းပန်
----------

ပြီးတော့ အနန္တောအနန္တငါးပါးကို ပြစ်မှားမိတာရှိရင် ခွင့်လွှတ်ဖို့ တောင်းပန်ရမယ်။ ရတနာသုံးပါးနဲ့ မိဘဆရာတွေကို ပြစ်မှားထားရင် စိတ်မကောင်းဖြစ်နေတတ်တယ်။ နောင်တပေါ့။ အဲဒီနောင်တကလည်း စိတ်ကို အနှောင့်အယှက် ပေးတယ်။ ဒါကြောင့် တောင်းပန် ၀န်ချရတယ်။ ဒီတော့မှ စိတ်ထဲမှာ ရှင်းသွားတယ်။

ဘုရားကိုလှူ
ပြီးတော့ ခန္ဓာကိုယ်ကို ဘုရားလှူရတယ်။ လူတွေဟာ ဘေးရန်နဲ့တွေ့ရင် ကြောက်တတ်တယ်။ မိုးကြိုးပစ်သံလို ဗုံးပေါက်ကွဲသံလို အသံတွေ ကြားရင် ကြောက်သွားတယ်။ ကြောက် စိတ်ဝင်လာရင် သမာဓိပျက်တယ်။ ခန္ဓာကိုယ်ကို ဘုရားလှူ ထားပြီးပြီဆိုရင် ကြောက်စိတ်မရှိတော့ဘူး

အများသုံး ကမ္မဋ္ဌာန်း
----------------

စတင်အားထုတ်တဲ့အခါ ဘယ်ကမ္မဋ္ဌာန်းကို အားထုတ်မလဲ၊ ကိုယ်ကြိုက်တာ အားထုတ်လို့ ရတယ်။ အများသုံးကမ္မဋ္ဌာန်းကတော့ အာနာပါနပဲ။ သမထအနေနဲ့ အားထုတ်ရင်လည်း ရတယ်။ ၀ိပဿနာအနေနဲ့ အားထုတ် ရင်လည်း ရတယ်။ ဘုရားတိုင်းဘုရားတိုင်းဟာ အာနပါနအားထုတ်ပြီး ဘုရားဖြစ်လာတာ။ ဒါကြောင့် လွယ်ကူတယ်။ ရှင်းတယ်။

စတင်အားထုတ်
စတင်အားထုတ်တဲ့အခါ ကိုယ့်ရဲ့စိတ်ကို လေထိတဲ့နေရာကို ပို့လိုက်ပါ။ ပြီးတော့ လေကို ပုံမှန်လေး ရှူပါ။ စိတ်ကိုလည်း ပုံမှန်လေးထားပါ။ တင်းမထားနဲ့။ တချို့ ပြင်းပြင်းထန်ထန် ရှုတယ်၊ ဒါက စာထဲမှာ မပါဘူး။ ဒီတော့ ၀င်လေ ထွက်လေကို ပုံမှန်လေး ရှူပါ။
(အဲဒီ ၀င်လေထွက်လေကို ပရိကမ္မနိမိတ်လို့ ခေါ်တယ်။ အဲဒီလို ရှုမှတ်ရင်းနဲ့ ထင်ထင်ရှားရှားဖြစ်လာရင် ဥဂ္ဂဟနိမိတ်လို့ ခေါ်တယ်။)

အဆင့် ၄-ဆင့်
------------

သတိမြဲရာပထမာ၊ ဒုမှာ ရှည်တိုသိ။ လုံးစုံလင်းရာ၊ တ၌သာ၊ စမှာငြိမ်းလေဘိ။

နံပါတ် (၁) ရှေးဦးစွာ သတိမြဲအောင် ရှုမှတ်ပါ။ ပုံမှန်လေးပဲ မှတ်ရမယ်။
နံပါတ် (၂) အရှည်အတိုကို သိအောင်လုပ်ပါ။
နံပါတ် (၃) အစအလယ်အဆုံး သုံးပါးလုံးကို သိအောင်ရှု။
နံပါတ် (၄) ၀င်လေထွက်လေ ငြိမ်သွားအောင် ငြိမ်းသွားအောင် ရှုပါတဲ့။

သတိအား ကောင်းလာရင် လေမှရှူရဲ့လားလို့ ထင်ရလောက်အောင် ငြင်သာသွားတယ်။ ၀င်လေထွက်လေဟာ မရှိတော့ဘူးလို့ ထင်ရ လောက်အောင် ငြင်သာသွားတယ်။ ၀င်လေထွက်လေ ချုပ်သွားတာတော့ မဟုတ်ဘူး။ မရှိတော့ဘူးလို့ထင်သွားတာ။

နိမိတ်
--------

အဲဒီနောက်ဆက်လက်ပြီးတော့ ရှုမှတ်ပါ။ သမာဓိအားကောင်းလာရင် လေက ပုံသဏ္ဌာန် အဖြစ် ပြောင်း လာလိမ့်မယ်တဲ့။ လေက ပြောင်းသွားတာ မဟုတ်ဘူး။ စိတ်က ပြောင်းတယ်လို့ ထင်လာတာ။ အလင်းတန်းကြီး (သို့မဟုတ်) မီးခိုး တန်း ထွက်လာသလို ထင်လာလိမ့်မယ်။ ဒါကို နိမိတ်ရတယ်လို့ ခေါ်တယ်။

အချိန်ကြာကြာ အားထုတ်မှ ရနိုင်တယ်။ ပါရမီအားကောင်းရင်တော့ အလွယ်တကူ ရနိုင်ပါတယ်။ နိုင်ငံခြားသားယောဂီတွေ ကတော့ အဲဒီနိမိတ်ကို သဘောကျလို့ မြန်မာနိုင်ငံကို ရောက်လာပြီး အားထုတ်ကြတာ။

ဈာန်နှင့် သမာပတ်
------------------

နိမိတ်ရပြီးတဲ့နောက် ရပ်မနေနဲ့၊ ဆက်လက်ပြီးတော့ ရှုမှတ်ပါတဲ့။ သမာဓိစွမ်းအားကောင်း လာရင် ဈာန်ရလာလိမ့်မယ်။ ဈာန်ဆိုတာ စွမ်းအားကောင်းတဲ့ သမာဓိပါပဲ။ “စိုက်စိုက်စူးစူး၊ အထူးမြဲမြံ၊ ရှုအားသန်၊ ဈာန်ဟုခေါ် သတတ်”။ စ်ာန္က ပထမစ်ာန္ကေန ပဥၥမစ်ာန္အထိ ငါးပါး ရွိတယ္။

ဈာန်ထဲမှာ ပဉ္စမဈာန်ရရင် “အဘိညာဉ်”အဆင့်ကို ရောက်သွားတယ်။ အဘိညာဉ်အဆင့်ကိုရောက်ရင် သူတပါးစိတ်အကြံ သိတာတို့၊ အမျိုးမျိုး ဖန်ဆင်းနိုင်တာတို့ဆိုတဲ့ တန်ခိုးတွေရလာတယ်။ သမထအားထုတ်ခြင်းကြောင့် ရှေးဦးစွာ နိမိတ်ရတယ်၊ ပြီးတော့ ဈာန်၊ အဘိညာဉ် တန်ခိုးရပါတယ်။ အဲဒါ သမထရဲ့အကျိုးပါပဲ။

ဈာန်ဝင်စားတယ်ဆိုတာ စိတ်ကို သမာဓိနဲ့ ငြိမ်အောင်ထိန်းထားတာ။ တနေကုန်နေလို့ရတယ်။ ဘာအတွက် ၀င်စားတာလဲ၊ ငြိမ်းအေးစွာ နေချင်လို့ပါတဲ့။ ဘုရားရှင်နဲ့တကွ ရဟန္တာများလည်း ဈာန်ဝင်စားတော်မူကြတယ်။ နိရောဓသမာပတ်ဝင်စားတယ်ဆိုတာလဲ ဈာန်ရလို့။ ဈာန်မရရင် မ၀င်စားနိုင်ဘူး။ ဒါကြောင့် သမထကို မကျင့်ရဘူးလို့ မပြောရဘူး။

ဝိပဿနာ
-----------

အာနပါနကို ၀ိပဿနာအဖြစ် ရှုမှတ်တော့မယ်ဆိုရင် ၀င်လေထွက်လေဆိုတဲ့ အာရုံနိမိတ်တစ်ခုထဲကိုပဲ ရှုမှတ်လို့ မရတော့ဘူး။ ရုပ်နာမ်ကို သိအောင်၊ ဖြစ်ပျက်မြင်အောင် ရှုမှတ်ရတယ်။ ၀င်လေ ထွက်လေ၊ လေထိတဲ့နေရာ၊ သိတဲ့စိတ်။ အဲဒီသုံးခုကို ရှုမှတ်ရတယ်။ ရှုမှတ်ခါစမှာတော့ သုံးခုလုံးသိဖို့ ဆိုတာ မလွယ်ဘူး။ သမာဓိအားကောင်လာမှ ထင်ထင်ရှားရှား သိလာတယ်။

ပင်တိုင်ရှုကွက်
--------------

တရားမှတ်တဲ့အခါ ပင်တိုင်ရှုကွက် ရှိဖို့တော့လိုတယ်။ ရုပ်ကိုပဲ ရှုရှု၊ ဝေဒနာကိုပဲ ရှုရှု၊ စိတ်ကိုပဲ ရှုရှု၊ ဓမ္မကိုပဲ ရှုရှု၊ ကိုယ်ကြိုက်တာ ကိုယ်ရှုလို့ရတယ်။ ဒါပေမဲ့ ပထမ စပြီးရှုမှတ်ခါစမှာ ပင်တိုင် “ရှုကွက်”တစ်ခုကိုတော့ မူတည်ထားရမယ်။ အဲဒါကို ပင်တိုင်ကမ္မဋ္ဌာန်းလို့ ခေါ်တယ်။ ဒါကြောင့် “အာနာပါန”ကို ပင်တိုင်ကမ္မဋ္ဌာန်း အနေနဲ့ ရှုပါ။

ပင့်ကူကောင်လေးတွေကို ကြည့်လိုက်ပါ။ သူက ပင့်ကူအိမ်ရဲ့ဗဟိုတည့်တည့်မှာ နေတယ်။ အကောင်လေးတွေ တွေ့ပြီဆိုရင် ကိုက်စားလိုက်တယ်။ ပြီးရင် သူ့နေရာသူ ပြန်နေတယ်။ နောက်တစ်ကောင်တွေ့ပြန်တယ်။ အဲဒီကောင်လေးကိုလည်း လိုက်ပြန်တယ်။ ပြီးတော့ သူ့နေရာသူ ပြန်နေတယ်။

အခုလည်း အာနပါနသည် “ပင်တိုင်ရှုကွက်”ပါပဲ။ အဲဒီအချိန်မှာ ဝေဒနာပေါ်လာရင် ဝေဒနာကို ရှုလို့ရတယ်။ ဒါမှမဟုတ် စိတ်က တောင်တွေးမြောက်တွေးတွေးနေရင်လဲ အဲဒီအတွေးစိတ်ကို ရှုမှတ်လိုက်ပါ။ အသံတွေ ကြားလာတယ်ဆိုရင် အဲဒီအသံကို ရှုလိုက်ပါ။ ရှုမှတ်တော့ ဖြစ်ပြီး ပျက်သွားတာကို တွေ့ရမယ်။ “အနိစ္စ၊ အနိစ္စ”လို့ ပါးစပ်က ဆိုစရာမလိုဘူး။ လိုက်ပြီးတော့ မှတ်နေရင် အနိစ္စကို သိလာပါလိမ့်မယ်။

ဘာမှ ထင်ထင်ရှားရှား ရှုစရာ မရှိဘူးဆိုရင် အာနပါနကိုပဲ ရှုမှတ်ပါ။ ၀င်လေထွက်လေရယ်၊ ထိတဲ့နေရာလေးရယ်၊ ထိသိစိတ် ရယ်။ ဒီသုံးချက်ကို မြင်အောင် ကြည့်ပါ။ ဒါ ၀ိပဿနာပဲ။

---------------------

ဝိပဿနာဥာဏ်စဉ်
ရုပ်နဲ့နာမ် သိရင် နာမရူပပရိစ္ဆေဒဥာဏ်လို့ ခေါ်တယ်။

ဆက်ပြီးတော့ မှတ်ရင် အကြောင်းတရားကို သိလာတယ်။ လေရယ်၊ ပသာဒရယ်ကြောင့် ထိသိစိတ်ပေါ်လာတယ်။ ထိသိ စိတ်က အကျိုးတရား။ လေနှင့် ပသာဒရုပ်က အကြောင်းတရားပဲ။ စောင့်ကြိုးနဲ့ လက် ထိမှုကြောင့် အသံပေါ်လာတယ်။ ဒီအတိုင်းပဲ လေနဲ့ ပသာဒ ပေါင်းဆုံမှုကြောင့် ထိသိစိတ်ပေါ်လာတာပဲ။ မျက်စိနဲ့ အဆင်း ပေါင်းဆုံမှုကြောင့် မြင်သိစိတ် ပေါ်လာတာ။ မြင်သိစိတ်သည် အကျိုးတရားပဲ။ အဲဒီလို သိရင် ပစ္စယပရိဂ္ဂဟ ဥာဏ်ပဲ။

ဒီဥာဏ် ၂-ပါးဟာ ၀ိပဿနာရဲ့ အခြေခံပဲတဲ့။ စူဠသောတာပန်ဖြစ်ပြီလို့ မှတ်လိုက်ပါ။

အဲဒီနောက် ဆက်လက်ပြီးတော့ ရှုမှတ်ပါ၊ ဆင်ခြင်ပါ၊ သုံးသပ်ပါ၊ (သမ္မသန)။
အဖြစ်အပျက်ကို ရှင်းရှင်း လင်းလင်း မြင်ပြီဆိုရင် (ဥဒယဗ္ဗယ)။
အဲဒီနောက် အပျက်ကို မြင်လာတယ်။( ဘင်္ဂ။)
ကြောက်စရာလို့ မြင်လာတယ်။ (ဘယ)။
အပြစ်တွေ ဒုက္ခတွေကို မြင်လာတယ်။ (အာဒီန၀)။
ငြီးငွေ့လာတယ်။ (နိဗ္ဗိဒါ)။
လွတ်မြောက်ချင်လာတယ်။ (မုစ္စိတု ကမျတာ)။
လွတ်ရာလွတ်ကြောင်း ထွက်ပေါက်ကို ရှာတယ်။ (ပဋိသင်္ခါ)။
သင်္ခါရအပေါ်မှာ စိတ်တည်ငြိမ်လာတယ်။ (သင်္ခါရုပေက္ခာ။) ၀မ်းနည်းမှု ၀မ်းသာမှု မရှိတော့ဘူး။
သင်္ခါရတရားတွေကို တည်ငြိမ်တဲ့စိတ်နဲ့ ရှုမှတ်နိုင်ရင် (အနုလောမ)။
အနုလောမဆိုတာ မဂ်ရဖို့အတွက် အကောင်းဆုံး အခြေအနေ ရောက်လာပြီလို့ မှတ်ပါ။
ဆက်လက်ပြီးရှုမှတ်။ ဂေါတြဘူလို့ ခေါ်တဲ့ ပုထုဇဉ်အနွယ်ကို ဖြတ်တောက် လိုက်တယ်။ လမ်းဆုံးရင် ရွာတွေ့ဆိုတာလို အဲဒီနောက် မဂ်ဥာဏ် ဖြစ်ပေါ်လာတယ်။ ၀ိပဿနာရဲ့ ရလာဒ်က မဂ်ဥာဏ်ဖိုလ်ဥာဏ်ပဲ။
------------------

ဝိပဿနာရဲ့ အာရုံက ၄-မျိုးပဲ။ ရုပ် ဝေဒနာ စိတ် ဓမ္မ။ ရုပ်ကို ရှုတာမှန်သမျှ ကာယာနုပဿနာပါ။ ၀င်လေ ထွက်လေကို ရှုမှတ်တယ်ဆိုရင် ကာကာနုပဿနာပဲ။

ဒုက္ခဝေဒနာဖြစ်ရင်လည်း အဲဒီဝေဒနာကို ရှုပါ။ ဝေဒနာဟာ ရေပွက်လိုပဲတဲ့။ ပေါ်လာလိုက်ပျောက်သွားလိုက်ပဲ။ နာကျင်မှု ဖြစ်လာတယ်။ ရှုလိုက်တယ်။ ဖြုတ်ခနဲ ပျောက်သွားတယ်။ တခါ ကိုက်ခဲမှုလေး ပေါ်လာတယ်။ ရှုလိုက်တယ်။ ဖြုတ်ခနဲ ပျောက်သွားတယ်။ ဒါ ဝေဒနာနုပဿနာပဲ။

တရားထိုင်ရင်းနဲ့ စိတ်က ပျံ့လွင့်ရင်လည်း ပျံ့လွင့်တယ်လို့ ရှုပါ။ စိတ်ကူးနေရင်လည်း စိတ်ကူးနေတယ်လို့ သိအောင် ရှုပါ။ ဒါကတော့ စိတ္တာနုပဿနာပဲ။

မျက်စိက အဆင်းကို မြင်တယ်။ မြင်ရင် မြင်ကာမျှဖြစ်အောင်၊ နားကအသံကို ကြားတယ်။ ကြားရင်ကြားကာမျှ ဖြစ်အောင် ရှုမှတ်ပါ။ ဒါ ဓမ္မာနုပဿနာပဲ။ အဲဒီလို ရှုတော့ အနိစ္စကို မြင်ပြီ။ မြင်တော့ ငြီးငွေ့တယ်။ ငြီးငွေ့တော့ တွယ်တာမှု မရှိတော့ဘူး။ တွယ်တာမှု မရှိရင် ဒုက္ခငြိမ်းပြီ။ ဒုက္ခငြိမ်းရင် နိဗ္ဗာန်ပဲ။

အနှစ်ချုပ်လိုက်တော့ . . .

သမထက ပညတ် ပရမတ် ၂-မျိုးလုံး အာရုံပြုတယ်၊ ၀ိပဿနာက ပရမတ်ကိုပဲ အာရုံပြုတယ်။

သမထက သမာဓိထူထောင်တဲ့အလုပ်၊ ၀ိပဿနာက ခန္ဓာကို ဥာဏ်နဲ့ကြည့်တဲ့ အလုပ်။

သမထက ဈာန်အဘိညာဉ်ကို ရစေတယ်၊ ၀ိပဿနာက မဂ်ဥာဏ်ဖိုလ်ဥာဏ်ကို ရစေတယ်။

စိတ်တည်ရုံမျှ ရှုမှတ်က သမထဘာဝနာ။ စိတ်တည်ရုံသာ မကပါပဲ နှစ်ဖြာရုပ်နာမ် သိမြင်ရန် ရှုရန် ၀ိပဿနာ။
-------------

➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳
https://muditar.blog.com
www.facebook.com/muditaralinnsayadaw/
www.facebook.com/muditaralinnsayadwdham
achannallive/ တွင်လည်းဖတ်ရှူနိုင်ပါသည် ။
➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳