သတိပဋ္ဌာန်အကြောင်းသိကောင်းစရာ = ၁ /

သတိပဋ္ဌာန် ၁ /

#သတိပဋ္ဌာန် ဟူသော ဝေါဟာရသည်၊#သတိပဋ္ဌာန ဟူသော
ပါဠိမှဆင်းသက်လာသော ပါဠိသက် ဝေါဟာရဖြစ်သည်။

သတိပဋ္ဌာန်ကို
၁-သတိ၏ ကျက်စားရာ အာရုံ၊
၂-သုံးမျိုးသော သာဝကတို့ အပေါ်၌ မြတ်စွာဘုရား၏ ချစ်မှု့
မုန်းမှု့ လွန်မြောက်ခြင်း၊
၃-သတိ ဟူ၍ သုံးမျိုး အနက်ပေးနှိုင်သည်။

၁-သတိ+ပဋ္ဌာန
သတိ=သတိ စေတသိက်။
ပဋ္ဌာန=(သတိ၏)ကျက်စားရာအာရုံ။
#သတိ၏ကျက်စားရာအာရုံ ဖြစ်ပါသည်။

၂-သတိ+ပဋ္ဌာန
သတိ=သတိ စေတသိက်။
ပဋ္ဌာန=သုံးမျိုးသော သာဝကတို့အပေါ်၌ မြတ်စွာဘုရား၏
(သတိဖြင့်)မချစ် မမုန်းမှု့။
#သာဝကသုံးမျိုးအပေါ်၌ မြတ်စွာဘုရား၏ (သတိသမ္ပဇဉ်ဖြင့်)
မချစ် မမုန်း သတိဖြင့် ကျင့်သုံးခြင်း ဖြစ်ပါသည်။
(မြတ်စွာဘုရား၏ သြဝါဒကို လိုက်နာသော သာဝက၊ မလိုက်
နာသော သာဝက၊ တစ်ဝက်တစ်ပျက် လိုက်နာ၍ တစ်ဝက်တစ်
ပျက် မလိုက်နာသော သာဝက ဟူ၍ သုံးမျိုးရှိ၏။)

၃-သတိ+ပဋ္ဌာန
သတိ=သတိ စေတသိက်။
ပဋ္ဌာန=အာရုံ၌ စွဲစွဲမြဲမြဲ သက်ဝင်၍တည်နေသော သတိ။
#သတိ စေတသိက် သတိတရား ပင်ဖြစ်ပါသည်။

#ကာယာနုပဿနာ သတိပဋ္ဌာန် စသည်တို့၌
သတိပဋ္ဌာန် သည် သတိစေတသိက် သာလျှင် ဖြစ်ပါသည်။

#အပ္ပမာဒေါ အမတံ ပဒံ ၊ ပမာဒေါ မစ္စုနော ပဒံ။
အပ္ပမတ္တာ နမီယန္တိ ၊ ယေပမတ္တာ ယထာ မတာ။

မမေ့မလျော့ခြင်းသည် နိဗ္ဗာန်ကိုရခြင်း၏ အကြောင်းတည်း။
မေ့လျော့ခြင်းသည် သေခြင်း၏ အကြောင်းတည်း။
မမေ့မလျော့သောသူတို့သည် သေသည်မမည်ကုန်။
မေ့လျော့သူတို့သည် သေသည်မည်ကုန်၏။

လောကဝေါဟာရအလို သေဆုံးခြင်းဆိုသည်မှာ အသက်၏ကုန်
ခြင်းမျှကိုသာ သေဆုံးသည်ဟုဆိုသည်။အသက်မကုန်သေးသ
မျှ ရှင်သန်နေသည်ဟုဆိုသည်။

ဓမ္မအလိုအရ အသက်ရှင်လျှက် သေနေသူ(သေဆုံးသူ)များရှိနှိုင်
သလို ၊အသက်သေသော်လည်း ရှင်သန်နေသူများရှိပါသည်။

အထက်ပါ ဓမ္မပဒ ဂါထာအရ-
အပ္ပမာဒတရား(သတိတရား)လက်ကိုင်ပြုထားသော
ကုသိုလ်အစုစုတို့၌ မမေ့မလျော့သော သူသည် ရှင်သန်နေသူ
ဖြစ်ပါသည်။
ပမာဒတရား(မေ့လျော့ခြင်း)သတိမရှိခြင်း ဖြစ်၍
ကုသိုလ်တရားအစုစုတို့၌ မေ့မေ့လျော့လျော့နှင့် နေသောသူ
သည် အသက်ရှင်နေရပါသော်လည်း သေသောသူသာဖြစ်သည်။

သတ္တဝါတို့ အနေဖြင့် သေဆုံးရန် အခွင့်အလမ်းများစွာရှိသည့်
အနက် သတိတရားမရှိသဖြင့်သေဆုံးရခြင်းသည် ရှင်သန်ခြင်း
အတွက်လမ်းစပါပျောက်ဆုံးခြင်းလည်းဖြစ်ပါသည်။

ကံအားလျော်စွာ မှားယွင်းသော အမြင်များ၌ ဘဝကိုတည်
ဆောက်မိပါက ကုသိုလ်အစုစုတို့၌ မေ့လျော့သော ပမာဒတရား
လည်းဖြစ်ပေါ်လာပေမည်။
ထို့အတူ မှားယွင်းသော အတွေးအကြံ များကို ဖြစ်ပေါ်စေလျှက်
ပမာဒတရားဖြစ်ပွားကာ သေသူဖြစ်တတ်ပါသည်။
ဤအတူ မှားယွင်းသော (ကိုယ်မှု့နှုတ်မှု့များ အသက်မွေးမှု့များ
ကြိုးပမ်းဆောင်ရွက်မှု့များ ကျွမ်းကျင်လိမ္မာမှု့များ)ကြောင့်လည်း
ပမာဒတရားဖြစ်ပွားကာ(သတိချွတ်ယွင်းသဖြင့်)ကုသိုလ်အစုစုကို
မပြုမိတော့ပဲ သေဆုံးနေသူများသာ လျှင်ဖြစ်တတ်ပါသည်။

#ဥဋ္ဌာနေန'ပ္ပမာဒေန ၊သံယမေန ဓမ္မေန စ၊
ဒီပံ ကရိယာထ မေဒါဝီ ၊ယံသြဃော နာဘိကီရတိ။

ထကြွလုံ့လရှိ၍ မမေ့မလျော့ပဲ (သီလကို)စောင့်ရှောက်ထိမ်းသိမ်း
လျှက် (ဣနြေ္ဒကို)ဆုံးမခြင်းနှင့်ပြည့်စုံသော ပညာရှိသည် သံသ
ရာတည်းဟူသော သမုဒ္ဒရာ၌ အရဟတ္တဖိုလ်ဟူသော မှီခိုရာကျွန်း
ကိုပြုလုပ်ရာ၏။ ယင်းကျွန်းကို ကိလေသာ ရေလျဉ်သည် မဖျက်
ဆီးနှိုင်ပေ။

သီလစသည့်ကျင့်ဝတ်ကိုဖြည့်ဆည်းခြင်း ၊ဣနြေ္ဒကိုကောင်းစွာ
စောင့်ထိမ်းခြင်း ၊စသည့် သံဝရသီလများကို မမေ့မလျော့ပဲ ထ
ကြွလုံ့လပြု၍ နေလျှက် သေမင်းမမြင်ရာ မိမိ၏မှီခိုရာ ကျွန်းကို
ပြုလုပ်လျှက် ဘေးရန်ကင်းစွာ ရှင်သန်နေကြဖို့ ဘုရားရှင်၏တိုက်
တွန်းတော်မူချက်ဖြစ်ပါသည်။

အပ္ပမာဒတရား ကုသိုလ်ပြုရေး၌ မမေ့မလျော့သော သတိတရား
ရှိသောသူသည် ရှင်သန်နေသူသာဖြစ်၍ သေမင်းမမြင်ရာ မှီခိုရာ
ကျွန်းကို ပြုလုပ်နှိုင်သူဖြစ်သဖြင့် ဘုရားရှင်၏ တိုက်တွန်းတော်မူ
ချက် အတိုင်းနေထိုင်သူလည်းဖြစ်ပါသည်။

ဤသည်တို့မှာ သတိတရားနှင့်စပ်၍ မှန်ကန်စွာ ရှု့မြင်နှိုင်ရန်
သတိချပ်စေလို၍ ဖြစ်ပါသည်။

ကောင်းသောလုပ်ငန်း အကျိုးရှိသောလုပ်ငန်း(ကုသိုလ်)ပင်မှန်
သော်လည်း ပိုမို၍အကျိုးများရာ ဖြစ်ဖြစ်မြောက်မြောက် လုပ်နှိုင်
ရာများကိုသာ ဦးစားပေးရွေးချယ်၍ လုပ်တတ်ဖို့အရေးကြီးပါ
သည်။ကုသိုလ်ကိုကား မည်သည့်ကုသိုလ်ပင်ဖြစ်စေ အထင်မ
သေးစကောင်းပေ။ကုသိုလ်မှန်သမျှ နိဗ္ဗာန်၏ အထောက်အပံ့
ပြုနှိုင်သည်ချည်းသာလျှင် ဖြစ်၏။

သတိပဋ္ဌာန အရ သတိ၏အာရုံများ အဖြစ် မြတ်စွာဘုရားသည်
လေးမျိုးဟောကြားခဲ့ပါသည်။ထက်မြက်သော သမ္မာသတိကိုထူ
ထောင်လိုသော ရဟန်းရှင်လူယောဂီသည် သီလစသည်ကိုပြည့်
စုံစေလျှက် သတိ၏တည်ရာ အာရုံများနှင့် စိတ်ကိုလေ့ကျင့်ပျိုး
ထောင်လျှင် သတိနှင့်ပြည့်စုံနှိုင်ပါသည်။

အာရုံလေးမျိုးမှာ-
(၁)။ကာယ ။(၂)။စိတ္တ။(၃)။ဝေဒနာ။(၄)။ဓမ္မ။ဖြစ်ပါသည်။
#ကာယဂတာနုပဿနာ သတိပဋ္ဌာန်
#စိတ္တာနုပဿနာ သတိပဋ္ဌာန်
#ဝေဒနာနုပဿနာ သတိပဋ္ဌာန်
#ဓမ္မာနုပဿနာ သတိပဋ္ဌာန် ဟူ၍ သတိပဋ္ဌာန် လေးမျိုး။
ဟောတော်မူပါသည်။

သတိပဋ္ဌာန်-၂


#ဝေနေယျလေးမျိုးနှင့်သတိပဋ္ဌာန်
ပရမတ္ထတရားများကို ခန္ဓာဖွဲ့လျှင် ခန္ဓာငါးပါးဖြစ်၏။ထိုတွင်-
#ရူပက္ခန္ဓာသည် ကာယာနုပဿနာ သတိပဋ္ဌာန်၏အာရုံဖြစ်၏။
#ဝိညာဏက္ခန္ဓာသည် စိတ္တာနုပဿနာ သတိပဋ္ဌာန်၏အာရုံဖြစ်၏။
#ဝေဒနက္ခန္ဓာသည် ဝေဒနာနုပဿနာ သတိပဋ္ဌာန်၏အာရုံဖြစ်၏။
#သညက္ခန္ဓာနှင့်သင်္ခါရက္ခန္ဓာတို့သည် ဓမ္မာနုပဿနာ၏ အာရုံဖြစ်၏။

ခန္ဓာသည်ငါးပါးရှိပါလျှက် အရှု့ခံအာရုံအဖြစ် လေးမျိုးသတ်မှတ်
ရခြင်းမှာ မဂ်ဖိုလ်ခရီးသွားလိုသည့် ဝေနေယျတို့သည် လေးမျိုး
ကွဲပြားသောကြောင့်ဖြစ်ပါသည်။

၁။ပင်ကိုယ်တဏှာဓာတ်ခံရှိ၍ အသိဉာဏ်အားနည်းသူ။
၂။ပင်ကိုယ်တဏှာဓာတ်ခံရှိ၍ အသိဉာဏ်အားကောင်းသူ။
၃။ပင်ကိုယ်ဒိဋ္ဌိဓာတ်ခံရှိ၍ အသိဉာဏ်အားနည်းသူ။
၎။ပင်ကိုယ်ဒိဋ္ဌိဓာတ်ခံရှိ၍ အသိဉာဏ်အားကောင်းသူ။

တဏှာဓာတ်ခံရှိသောပုဂ္ဂိုလ်တို့၌
တဏှာသည်ဝေဒနာကြောင့်ဖြစ်သည်။
ဝေဒနာသည်အာရုံနှင့်ဒွါရတို့ထိခိုက်မှု့ကြောင့်ဖြစ်သည်။
တဏှာဓာတ်ကိုပယ်သတ်ရန်ဝေဒနာ၏အပြစ်ကိုမြင်အောင်ရှု့ရမည်။

ဝေဒနာကားနာမ်တရားဖြစ်၍ ဉာဏ်အားနည်းသူတို့မြင်အောင်
ရှု့မှတ်နှိုင်ရန် မလွယ်ကူပါချေ။ထို့ကြောင့်ဉာဏ်အားနည်းသူများ
သည် သိမ်မွေ့သောဝေဒနာကိုမရှု့မှတ်ပဲ ဝေဒနာ၏မှီရာ ထင်ရှား
ပေါ်လွင်သည့် ရုပ်ခန္ဓာ၏ အပြစ်များကိုသာ မြင်အောင်ရှု့မှတ်ရ
ပါသည်။အမှတ်တစ်ပုဂ္ဂိုလ်များအတွက် ကာယာနုပဿနာသတိ
ပဋ္ဌာန်ကိုဟောကြားခြင်းဖြစ်ပါသည်။

ဉာဏ်ထက်မြက်သူများကား သိမ်မွေ့သောဝေဒနာ နာမ်တရားကို
ရှု့မှတ်နှိုင်စွမ်းရှိသဖြင့် ယင်းအမှတ်နှစ်အမျိုးအစားပုဂ္ဂိုလ်များအ
တွက် ဝေဒနာနုပဿနာ သတိပဋ္ဌာန်ကိုဟောကြားခြင်းဖြစ်ပါသည်။

ဒိဋ္ဌိဓာတ်ခံရှိသူများမှာ ရုပ်နာမ်ခန္ဓာတို့တွင် စိတ်စေတသိက်နာမ်
တရားများ၏ ဖောက်ပြန်ပျက်စီးမှု့ကိုမသိသောကြောင့် သိမှု့
မှတ်သားမှု့တွေ့ထိမှု့စသည်တို့၌ ငါသိသည် ငါမှတ်သားသည်
ငါတွေ့ထိသည် ဟု အထင်ရှိသူများဖြစ်ကြသည်။

စိတ်စေတသိက်တို့၏ သဘောလက္ခဏာကိုမြင်အောင်ရှု့မှတ်နှိုင်
လျှင် သိမှု့မှတ်သားမှု့တွေ့ထိမှု့တိုသည် ဖြစ်ချိန်တန်လျှင်ဖြစ်၍
ပျက်စီးသော ဓာတ်သဘောများသာဟု သိလာပြီး စိတ်စေတသိက်
နာမ်တရားများ၌ ငါ ဟုထင်မြင်နေမှု့များကင်းစင်နှိုင်ပါသည်။

စိတ်သည်ရာဂရှိခိုက် ရာဂနှင့်တကွဖြစ်သောစိတ် (သရာဂစိတ်)
ရာဂမရှိခိုက် ရာဂကင်းသောစိတ် (ဝီတရာဂစိတ်)စသဖြင့်အမျိုး
မျိုးဖြစ်သော်လည်း အမှန်မှာ သိမှု့သဘောတစ်ခုသာဖြစ်သဖြင့်
စိတ်ကိုဉာဏ်အားနည်းသူတို့ ရှု့မှတ်ရန်သင့်လျှော်ပါသည်။

ထို့ကြောင့် ဝိညာဏ်နက္ခန္ဓာသည် ဒိဋ္ဌိစရိုက်ရှိ၍ ဉာဏ်အားနည်း
သူတို့အတွက် ရှု့မှတ်ရန်သင့်လျော်သော အာရုံဖြစ်ပါသည်။ထို
တတိယမြောက်ပုဂ္ဂိုလ်များအတွက် စိတ္တာနုပဿနာ သတိပဋ္ဌာန်
ကိုဟောကြားတော်မူပါသည်။

ဝိညာဏက္ခန္ဓာနှင့်သင်္ခါရက္ခန္ဓာတို့သည် သဘောလက္ခဏာ သီး
ခြားစီဖြစ်သောကြောင့် တစ်ခုနှင့်တစ်ခု မရောယှက်ရအောင်
ရှု့မှတ်ရခက်ခဲ၏။ဉာဏ်ထက်မြက်သူတို့သာ နေရာကျရှု့မှတ်
နှိုင်ပါသည်။စတုတ္ထမြောက်ပုဂ္ဂိုလ်များအတွက် ဓမ္မာနုပဿနာ
သတိပဋ္ဌာန်ကို ဟောကြားတော်မူပါသည်။

https://muditar.blog.com
www.facebook.com/muditaralinnsayadaw/
www.facebook.com/muditaralinnsayadwdham
achannallive/ တွင်လည်းဖတ်ရှူနိုင်ပါသည် ။