"ရောဂါကုစား စိတ်စွမ်းအား

ဂိရိမာနန္ဒ ကိုယ်တော် နေမကောင်း ထိုင်မသာ ဖြစ်နေတော့ မြတ်စွာဘုရားက "အာနန္ဒာ တဲ့ ၊ (အဲဒီအချိန်မှာ မြတ်စွာဘုရားက လိုက်မသွားဘူး။ လိုက်မသွားတာ အကြောင်းတော့ ရှိမယ်။ စာထဲမှာတော့ ဘာ့ကြောင့် လိုက်မသွားတာလဲဆိုတာ မပါဘူး။) ဒီသညာ ၁၀-ပါး တရားကို ဂိရိမာနန္ဒအား သွားဟောလိုက်တဲ့။ ဒီတရားနာပြီးရင် သူနေကောင်းသွားလိမ့်မယ်" တဲ့။ ရှင်အာနန္ဒာကို သညာ ၁၀-ပါး တရား သင်ပေးလိုက်တယ်။ သညာ ၁၀-ပါး ဆိုတာ

(၁) အနိစ္စသညာ - မမြဲဘူးဆိုတဲ့ အမှတ်သညာ၊ ပွားပုံပွားနည်းကိုပါ သင်ပေးလိုက်တယ်။

(၂) အနတ္တသညာ - အတ္တ မဟုတ်ဘူး။ ခိုင်မြဲတဲ့ အရာ ကိုယ်ပိုင်တဲ့အရာ တစ်ခုမှ မရှိဘူး ဆိုပြီး မြတ်စွာဘုရားက အနတ္တသညာကိုလည်း ဟောပေးလိုက်တယ်။

(၃) အသုဘသညာ - ခန္ဓာကိုယ်ကြီးဟာ မတင့်မတယ် ရွံစဖွယ်ဖြစ်တယ်ဆိုတဲ့ အရာကိုလည်း မြတ်စွာဘုရားက သင်ပေးလိုက်တယ်။

(၄) အာဒီနဝသညာ - ခန္ဓာကိုယ်မှာ ရောဂါဝေဒနာတွေ ဖြစ်တယ်ဆိုတာ သဘာဝပဲ။ သဘာဝတရားကို စဉ်းစားပြီး အပြစ်အနာအဆာကို ရှုမြင်တတ်ဖို့ အာဒီနဝသညာ ကိုလည်း သင်ကြားပေးလိုက်တယ်။

(၅) ပဟာနသညာ - မကောင်းတဲ့ အတွေးတွေကို ဖယ်ရှားပစ်ဖို့ သင်ကြားပေးလိုက်တယ်။ လူဆိုတာ မကောင်းတဲ့ အတွေးတွေ တွေးနေတတ်တယ်။ ဆိုပါစို့ ၊ နှစ်သက်စရာ အာရုံတွေ့ရင် ခံစားချင်တဲ့ အတွေးတွေ တွေးတယ်။ မကောင်းတဲ့ အာရုံနဲ့တွေ့ရင် မုန်းတီးတဲ့ အတွေးတွေ တွေးတယ်။ ဟုတ်ပြီလား။ အဲဒီ မကောင်းတဲ့အတွေး အပြစ်ရှိတဲ့ အတွေးတွေကို လက်မခံဖို့ မြတ်စွာဘုရားက သင်ကြားပေးလိုက်တယ်။ အပြစ်ရှိတဲ့ အတွေးနဲ့ အပြစ်မရှိတဲ့ အတွေး ခွဲခြားသိဖို့ ပဟာနသညာကိုလည်း ဟောပေးတယ်။

(၆) ဝိရာဂသညာ - ဘဝကြီးတစ်ခုပေါ်မှာ တပ်မက်မှု ကင်းဖို့ အမှတ်သညာ။

(၇) နိရောဓသညာ - ဘဝကြီးပေါ်မှာ ဒုက္ခတွေ အဆုံးသတ် ချုပ်ငြိ်မ်းဖို့ အမှတ်သညာတွေကိုလည်း မြတ်စွာဘုရားက သင်ကြားပြီးတော့ ပေးလိုက်တယ်။ ပြီးတော့

(၈) သဗ္ဗလောကေ အနဘိရတသညာ - လောကကြီးတစ်ခုလုံးဟာ ပျော်စရာဆိုတာ မရှိပါဘူး။ တကယ်စဉ်းစားကြည့်ရင် ပျော်စရာ မရှိဘူးဆိုတဲ့ အမှတ်သညာ ရောက်အောင် ပွားပုံပွားနည်းကို သင်ပေးလိုက်တယ်။ နောက်တစ်ခုက

(၉) သဗ္ဗသင်္ခါရေသု အနိစ္ဆာသညာ - သင်္ခါရ အားလုံးဟာ ဘာမှ မက်မောစရာ မရှိဘူး ဆိုတဲ့ အမှတ်သညာကိုလည်း သင်ပေးလိုက်တယ်။

နောက်ဆုံးကျတော့ ၁၀-ခု မြောက်အနေနဲ့ "အာနာပါနဿတိ" ဆိုတာကို ထည့်ပြီး ဟောပေးလိုက်တယ်။ သညာ အနေနဲ့ကတော့ ၉-ပါး၊ အာနာပါနသတိနဲ့ ထည့်လိုက်တဲ့အခါ ၁၀-ပါး၊ ဒီနေရာမှာ အာနာပါနသတိ က သညာမဟုတ်ပေမယ့် များရာကို ကြည့်ပြီး သညာ ၁၀-ပါးလို့ပဲ ခေါ်လိုက်တာနော်။

အဲဒီလို ဂိရိမာနန္ဒရဟန်းတော် နေမကောင်း ထိုင်မသာ ဖြစ်နေတဲ့အချိန်မှာ မြတ်စွာဘုရားက "အာနန္ဒာ ဟောဒီ သညာ ၁၀-ပါး ကမ္မဋ္ဌာန်း တရားကို ဟောပြလိုက်တဲ့။ အဲဒီလို ဟောလိုက်လို့ရှိရင် တရားနာပြီးတာနဲ့ တစ်ပြိုင်နက် ဂိရိမာနန္ဒရဟန်း နေကောင်း ကျန်းမာ သွားလိမ့်မယ်" တဲ့။

ကဲ မြတ်စွာဘုရား အမိန့်ရှိတဲ့အတိုင်းပဲ အရှင်အာနန္ဒာမထေရ်မြတ်က အဲဒီ ဂိရိမာနန္ဒ ရဟန်းဆီကို သွားပြီး သညာ ၁၀-ပါး တရားကို အသေးစိတ် ဟောကြားလိုက်တဲ့အခါ ဂိရိမာနန္ဒဟာ တရားနာရင်းနဲ့ သူ့ သန္တာန်မှာရှိတဲ့ ရောဂါဝေဒနာ ပျောက်သွားတယ်၊ side effect မပါဘူး။ တစ်ခါတည်း ပျောက်တာတဲ့။ ဆေးစား စရာတောင် မလိုတော့ဘူး။ ဒါလည်း psychotherapy ပဲနော်။ အေး အခုခေတ် psychotherapy ဆိုတာ အားပေးစကားပြောရုံသာ ပြောနိုင်တာ၊ ဒီလို ဓမ္မစွမ်းရည် ပါတာ မဟုတ်ဘူးနော်။

ဒါကြောင့်မို့လို့ တရားချစ်ခင် သူတော်စင် ပရိတ်သတ်တို့သည် ဘဝသံသရာ ကြုံတွေ့လာတဲ့ အခါမှာ လူတိုင်းလူတိုင်းဟာ ရောဂါဝေဒနာဆိုတာ ဖြစ်တတ်တယ်။ ဖြစ်လာတဲ့ အခါကျလို့ရှိရင် ဆေးချည်းပဲ အားမကိုးဘဲနဲ့ ဟောဒီ ဓမ္မစွမ်းအားလေးတွေကိုလည်း အားကိုးပြီးတော့ ရောဂါဝေဒနာ ပျောက်ပြီး သက်ရှည်ကျန်းမာ စိတ်ချမ်းသာ၍ လိုရာဆန္ဒပြည့်ဝကြပါစေလို့ ဘုန်းကြီးက ဆုတောင်းပါတယ်။ အားလုံး တရားချစ်ခင် သူတော်စင် ပရိတ်သတ်တို့သည် ဗုဒ္ဓ၏ Buddhist Psychotherapy နည်းကို အသုံးပြု၍ ကျန်းမာမှု ချမ်းသာမှု ရရှိကြပါစေကုန်သတည်း။



❖ ရောဂါကုစား စိတ်စွမ်းအား❖

‘ရောဂါကုစား စိတ်စွမ်းအား’တဲ့။ စိတ်စွမ်းအားက ရောဂါကို ကုစားပေးနိုင်တယ်။ ဒီကနေ့ ခေတ်ပညာကလည်း ဒါကိုလက်ခံထားတယ်။ဗုဒ္ဓမြတ်စွာရဲ့ ပိဋကတ်သုံးသွယ် နိကာယ်ငါးရပ် ဓမ္မက္ခန္ဓာ ပေါင်း ရှစ်သောင်းလေးထောင်ရှိတဲ့ တရားတော်တွေထဲမှာလည်း တရားဓမ္မကို နာယူခြင်းဖြင့် စိတ်ဓာတ် အေးငြိမ်းပြီး ရောဂါပျောက်သွားတဲ့မှတ်တမ်းတွေ ရှိတယ်။
ယနေ့ခေတ်မှာ psychotherapy လို့ခေါ်တဲ့ စိတ်ပိုင်းဆိုင်ရာပြဿနာကို ဆွေးနွေးအဖြေရှာ ပေးခြင်းနဲ့ စိတ်ရောဂါကို ကုစားပေးတယ်။ စိတ်ရောဂါကုတဲ့ ဆရာဝန်ကို psychiatrist လို့ ခေါ်ပြီး စိတ်ရောဂါအတွက် discussion လုပ်ပေးတဲ့ ပုဂ္ဂိုလ်ကို psychothera-pist လို့ခေါ်ကြတာပေါ့။
ဒါမျိုးက အခုခေတ်မှ ပေါ်တာမဟုတ်ဘူး။ ဗုဒ္ဓမြတ်စွာ လက်ထက်တုန်းကိုက ရှိခဲ့တာပါ။ ရောဂါနဲ့ ပတ်သက်လာရင် စိတ်ရောဂါတင်မကဘူး၊ ရုပ်ခန္ဓာကိုယ်ပေါ်မှာဖြစ်တဲ့ရောဂါကိုပင်လျှင် စိတ်စွမ်းအားနဲ့ ကုစားကြတာတွေ ရှိတယ်။ ဗုဒ္ဓဘာသာနိုင်ငံတွေမှာ နေမကောင်းတဲ့အခါ သံဃာတော် တွေကိုပင့်ပြီး ဗောဇ္ဈင်သုတ်တို့ ပရိတ်တို့ မနာကြဘူးဘား။ နာကြတယ်နော်။ ဒါဟာ psychotherapy တစ်မျိုးပဲ။ ဗောဇ္ဈင်သုတ် နာရတာနဲ့ ရောဂါပျောက်တယ် ဆိုတဲ့ ယုံကြည်ချက်နဲ့ လုပ်ကြတယ်။

ဗောဇ္ဈင်သုတ်နာရင်
ဗုဒ္ဓမြတ်စွာလက်ထက်တုန်းကလက်ဝဲရံ ဖြစ်တော်မူတဲ့ ဒုတိယသာဝက အရှင်မဟာမောဂ္ဂလာန် အထေရ်မြတ် မကျန်းမမာ ဖြစ်တော်မူတယ်။ ရဟန္တာ ဆိုပေမဲ့လည်း သွေးနဲ့သားနဲ့ကိုယ်ဆိုတော့ ရော ဂါဖြစ်တဲ့အခါဖြစ်တာပဲ။အပူအအေးရဲ့ ဒဏ်နဲ့ ဓာတ်လေးပါး မညီမျှမှုကြောင့် ရောဂါဝေဒနာဖြစ်တယ်။ ဒီလို မကျန်းမမာရောဂါဝေဒနာ ဖြစ်တဲ့ အခါမှာ မြတ်စွာဘုရားကိုယ်တော်တိုင် ကြွပြီး ဗောဇ္ဈင်သုတ်ကို ဟောကြားပေးတော်မူတယ်။ အရှင်မဟာမောဂ္ဂလာန်ဟာ မြတ်စွာဘုရားဟောကြားတဲ့ ဗောဇ္ဈင်သုတ် တရားကို တရိုတသေနာရင်းနဲ့ ဆေးသောက်စရာမလိုဘဲ ရောဂါပျောက်သွားတယ်လို့ ဆိုတယ်။ ပျောက်သွားတာမှ တစ်ခါတည်း ပျောက်သွားတာတဲ့။ ဒီရောဂါမျိုး နောက်ထပ် မပေါ်ဘူး။ ဒိပြင် ရောဂါ တော့ ပေါ်ချင်ပေါ်မှာပေါ့နော်။
❖အခုခေတ် ဖေါ်စပ်တဲ့ ဆေးဝါးတွေမှာ ဘေးထွက် ဆိုးကျိုးလို့ခေါ်တဲ့ side effect တွေရှိတယ်။ chemical နဲ့လုပ်ထားတဲ့ ဆေးဝါးတွေဟာ ပိုပြီး side effect တွေများလို့ ယခုခေတ် ဆေးပညာရှင်တွေ က ကမ္ဘာဦးက စခဲ့တဲ့ ဆေးပညာဘက်ကိုဦးလှည့်လာတယ်။ ဒါက အာယုဗ္ဗေဒနည်းနော်၊ herbal medicine နဲ့ကုသဖို့ စိတ်ဝင်စားလာကြတယ်။ “နွယ်မြက်သစ်ပင် ဆေးဖက်ဝင်” ဆိုတဲ့အတိုင်း နွယ် မြက်သစ်ပင်တွေကို ရှာဖွေ သုတေသနလုပ်ပြီး ဖေါ်စပ်တဲ့ဆေးနဲ့ ကုသတဲ့နည်းတွေ အခုပြန်လည်နိုးထ လာပြီးတဖြည်းဖြည်း ခေတ်စားလာတယ်။
ဘာဖြစ်လို့တုန်းဆိုရင် chemical နဲ့ဖော်စပ်ထားတဲ့ ဆေးတွေဟာ side effect တွေများလို့ ဖြစ်တယ်။ အဲဒီဆေးတွေက မူလရောဂါတော့ ပျောက်ပါရဲ့၊ နောက်ထပ် ရောဂါတစ်မျိုးပေါ်လာစေပြန် တယ်၊ နောက်ထပ်ပေါ်လာတဲ့ရောဂါကိုတစ်ခါ ဆေးတစ်မျိုးနဲ့ ကုရပြန်တယ်။ ❖အဲဒီဆေးက တစ်ဖန် နောက်ထပ် ရောဂါအသစ်တစ်မျိုးကိုမွေးဖွားပေးလိုက်ပြန်ရော။ အဲဒီလိုနဲ့ “ဂျာအေးသူ့အမေရိုက်”ဆိုတဲ့ သီချင်းလိုပဲ “၀ိုင်းကြီး ပတ်ပတ်ဒူဝေေ၀” ဖြစ်နေတာပေါ့၊ ဆုံးကို မဆုံးနိုင်တော့ဘူး။
အေး ဒါ့ကြောင့် မြတ်စွာဘုရားရဲ့ psychotherapy ဆိုတာကိုမေ့ထားလို့ မသင့်ပေဘူးပေါ့။ မြတ်စွာဘုရား လက်ထက်က psychotherapy ဆိုတဲ့ အခေါ်နဲ့ မဟုတ်ပေမဲ့လို့ ခုနက ဗောဇ္ဈင်သုတ် ဟောတာ နာကြားလိုက်ရလို့ ရောဂါပျောက်သွားတယ်ဆိုတာ psychotherapy ပဲ။ စိတ်ဓာတ်ရေးရာ ကို ပြုပြင်ပေးတာနဲ့ ရောဂါဝေဒနာ ပျောက်တယ်တဲ့ ။ဒီနည်းနဲ့ အရှင်မဟာမောဂ္ဂလာန် ရောဂါ ပျောက်သွားတယ်။
❖တစ်ခါက အရှင်မဟာကဿပလည်း ပိပ္ပလိလိုဏ်ဂူထဲမှာ မကျန်းမမာ ဖြစ်နေတယ်။ ဆွမ်းခံ မကြွနိုင်ဘူး၊ ‘အာဗာဓိကော ဒုက္ခိတော ဗာဠှဂိလာနော’တဲ့။ အာဗာဓိကော ဆိုတာ တစ်ကိုယ်လုံးနာကျင် ကိုက်ခဲပြီးတော့နေတယ်။ ဗာဠှဂိလာနော အပြင်းအထန် နေမကောင်းဖြစ်နေတယ်။ အဲဒီလို အပြင်းအထန် နေမကောင်းဖြစ်လို့ ဒုက္ခိတော ဆင်းရဲဒုက္ခ ရောက်နေတဲ့အချိန်မှာ မြတ်စွာဘုရားကိုယ် တိုင် ကြွသွားပြီးတော့ ရောဂါ အခြေအနေမေးမြန်းပြီး ဗောဇ္ဈင်သုတ်ကို ဟောတော်မူတယ်။ ဗောဇ္ဈင်သုတ်ကို နာရင်းအရှင်မဟာကဿပဟာဆေးမသောက်ရဘဲနဲ့ပျောက်သွားဖူးတယ်တဲ့ နေ

အပြည်ပြည်ဆိုင်ရာ ထေရဝါဒ ဗုဒ္ဓသာသနာပြု တက္ကသိုလ်
ပါမောက္ခချုပ် ဆရာတော်ဒေါက်တာ နန္ဒမာလာဘိဝံသ
ဟောကြားတော်မူသော"ရောဂါကုစား စိတ်စွမ်းအား"
အကြောင်းတရားဒေသနာတော်မှကူးယူရေးသား၍အမတဒါန ၊ ဓမ္မဒါနအဖြစ်ဖြင့်ရေးသားမျှဝေဖော်ပြအပ်ပါသသည်

https://muditar.blog.com
www.facebook.com/muditaralinnsayadaw/
www.facebook.com/muditaralinnsayadwdham
achannallive/ တွင်လည်းဖတ်ရှူနိုင်ပါသည် ။