အားပေးစကား"

လူတွေဘယ်အချိန် အားပေးစကား
ပြောဖို့လိုတာလဲ ။ဘယ်လိုအားပေးမလဲ။

လူတွေ စိတ်ဓာတ်အကျဆုံးအချိန်ဟာ
ဘယ်အချိန်လဲ။

လူတိုင်းလူတိုင်း နောက်ဆုံးကြုံတွေ့ရမယ့် “တစ်နေ့သောအချိန်” ဆိုတာဘယ်အချိန်လဲ။

သေခါနီးအချိန်ပေါ့။ လူတိုင်းလူတိုင်း မရှောင်လွှဲနိုင်ဘူး၊ တစ်နေ့ကျတော့
ကြုံတွေ့ရမယ်ဆိုတဲ့ နောက်ဆုံးအချိန်မှာ စိတ်အားအငယ်ဆုံး၊ စိတ်ဓာတ်အကျဆုံး အချိန်လို့ ဆိုလိုတယ်။အဲဒီအချိန်မှာ ကျန်တဲ့သူတွေက ဘာလုပ်သင့်သလဲ၊ လုပ်သင့်လုပ်ထိုက်တယ်ဆိုတာ ဘာတွေလဲ၊
အားပေးစကားပြောတာမျိုး မဟုတ်ဘဲချောက်တွန်းတာမျိုး
ဖြစ်နေသလားလို့ စဉ်းစား ဆင်ခြင်သင့်တယ်။

မစဉ်းစားဘဲလုပ်တဲ့ လုပ်ရပ်မှန်သမျှဟာ ကောင်းကျိုးချမ်းသာကို
မပေးနိုင်ဘူး၊ အရာရာဟာ ပညာနဲ့ဆင်ခြင်ပြီးတော့မှလုပ်သင့်တယ်။

မြတ်စွာဘုရားက မဟာနာမကိုဘာအဆုံးအမ ပေးထားသလဲဆိုရင်
“အမျိုးသားဥပါသကာ တစ်ယောက်ဖြစ်စေ၊ အမျိုးသမီးဥပါသိကာမတစ်ယောက်ဖြစ်စေ စဉ်းစားဥာဏ်ရှိတဲ့ ပုဂ္ဂိုလ်ဟာစဉ်းစား ဉာဏ်ရှိတဲ့ပုဂ္ဂိုလ်တစ်ယောက် နေမကောင်းထိုင်မသာဖြစ်လို့အသက်အန္တရာယ် စိုးရိမ်ရလောက်တဲ့
အချိန်အခါမျိုးမှာ အားပေးစကားပြောရမယ်၊ ဆုံးမစကားပြောရမယ်”လို့ပြောတာ။

အဲဒီအချိန်မှာ စိတ်ဓါတ်အကျဆုံး၊အားအငယ်ဆုံးဖြစ်တတ်သည့်အတွက်
အားပေးစကားပြောဖို့လို တယ်၊ ဒါကိုလူတိုင်းလူတိုင်း တစ်နေ့မကြုံတစ်နေ့တော့ကြုံတွေ့ကြရမှာပဲ။လူတိုင်းလူတိုင်းမွေးလာတဲ့
အချိန်ကနေစပြီး တစ်နေ့တစ်နေ့ ဘယ်ကိုသွားနေတာတုန်းဆိုရင် အိုခြင်း
ဆီသွားနေတာ။ အိုခြင်းကနေ နာခြင်းဆီသွားနေတာ၊ နာခြင်းကနေ သေခြင်းဆီသွားနေတာ၊ ဒါကြောက်စရာစကားမဟုတ်ဘူး၊ တချို့ကသေ စကားပြောရင် မင်္ဂလာမရှိဘူး နိမိတ်မရှိဘူး၊ဒီလိုထင်တယ်၊ မသေမှာကျနေတာပဲနော်။

ကိုယ်ဘယ်ကို သွားနေတာတုန်းဆိုတာ သိဖို့မလိုဘူးလား၊
ကိုယ်ဘယ်သွားနေတယ်ဆိုတာ
သိရမယ်။ မသိတာကတော့ ပညာမဲ့လွန်းအားကြီးတာပေါ့။
လူတွေကပြောကြတယ် “ဘယ်မှမသွားဘူး အိမ်မှာ နေတာ”။
သို့သော် အိမ်နေရင်း အသက်ကကြီးကြီးမသွားဘူးလား၊
ကြီးသွားနေတော့ ဘယ်သွားနေ သလဲလို့ထင်တုန်း၊
အိုတဲ့ဆီသွားနေတာ၊
အိုတဲ့ဆီကနေပြီးတော့ နာတဲ့ဆီမရောက်ဘူးလား၊
အေးနာတဲ့ ဆီကနေ နောက် ဘယ်ရောက်သွားတုန်း။

ဆရာတော်ကြီးတစ်ပါးကကမ္မဋ္ဌာန်း နှလုံးသွင်းခိုင်းသလိုပဲ၊
“ခံနိုင်ရင်ခံမခံနိုင်ရင်သေ” ဆိုတာ၊ဟုတ်တယ်မဟုတ်လား၊
အိုခြင်းဆင်းရဲ နာခြင်းဆင်းရဲကို ခံနိုင်တဲ့အခြေအနေရှိတဲ့အချိန်မှာခံနေပြီး
မခံနိုင်တဲ့ အခြေအနေမှာသေသွားတာပေါ့။

အဲဒီသေခြင်းဆင်းရဲနဲ့ လူ့ဘ၀ဟာအဆုံးသတ်ကြရတယ်၊
မြတ်စွာဘုရားလည်း ဒီလိုပဲ အဆုံးသတ်တယ်၊
ရှင်သာရိပုတ္တရာ၊ ရှင်မောဂ္ဂလာန်တို့လည်းဒီလိုပဲ အဆုံးသတ်တယ်။
သို့သော် အဆုံးသတ်ကလေးကောင်း အောင်လုပ်ပေးလို့ရတယ်။

လူတွေဟာ အဆုံးသတ်ကောင်းဖို့အတွက်၊
အသေကောင်းဖို့အတွက် အနေကောင်းဖို့ဆိုတာလည်း လိုအပ်တယ်လို့ ပြောကြတယ်နော်။ လူတွေရဲ့စိတ်ဓာတ်ဆိုတာကနောက်ဆုံးအချိန်ရောက်လို့ရှိရင်
အားငယ်တတ်တယ်၊ ဒီလိုအားငယ်လာ လို့ရှိရင် အားပေးစကားပြောရမယ်။

ရောဂါရှိတယ်ဆိုရင်လည်းဝမ်းမနည်းနဲ့၊
ရောဂါမရှိဘူးဆိုလို့လည်းမပျော်နဲ့၊
ရောဂါမရှိဘူးဆိုလည်း တစ်နေ့သေမှာပဲ၊
ရောဂါရှိတဲ့သူလည်း တစ်နေ့သေမှာပဲ၊
တစ်ခါတစ်လေ ရောဂါမရှိဘူး ဆိုတဲ့သူကတောင်
အရင်သေချင်သေတတ်တယ်မဟုတ်ဘူးလား၊

ဘာပဲဖြစ်ဖြစ် လူ့ဘ၀ရောက်တယ်ဆိုတာ
နောက်ဆုံးတော့ သေခြင်းနဲ့အဆုံးသတ်ရတယ်၊

ဒါကိုသိထားသည့် အတွက်ကြောင့် မသေခင် ကိုယ်ဘာတွေလုပ်သင့်သလဲ?
မစဉ်းစားသင့်ဘူးလား
စဉ်းစားသင့်တယ်၊
ဒီအတိုင်းမနေသင့်ဘူး၊ မှန်မှန်ကန်ကန် ရင်ဆိုင်ရဲရမယ်။

လူဆိုတာ တစ်နေ့သေမှာ၊ကြီးလည်းသေတာပဲ၊ ငယ်လည်းသေတာပဲ။
မြတ်စွာဘုရားက ဟောထား တယ်လေ
“ဒဟရာ စ မဟန္တာစယေ ဗာလာယေစ ပဏ္ဍိတာ။ သဗ္ဗေမစ္စု ၀သံယန္တိ” တဲ့၊
“ဒဟရာစ” -ငယ်ငယ်လည်းသေတာပဲတဲ့၊ “မဟန္တာစ” - အသက်ကြီးမှလည်း သေတာပဲတဲ့၊
“ယေ ဗာလာယေစ ပဏ္ဍိတာ” - မသိနားမလည်တဲ့သူလည်းသေတာပဲတဲ့၊
ပညာတတ်တဲ့သူလည်းသေတာပဲတဲ့၊ မသေတဲ့သူမရှိဘူး။

ဒါကိုသိထားပြီးတဲ့နောက်မှာကိုယ်ဘာလုပ်သင့်သလဲ?
ကြောက်နေဖို့မဟုတ်ဘူးနော်၊
ရင်ဆိုင်ရဲဖို့ သေခြင်း တရားဟာ ကြောက်ဖို့မဟုတ်ဘူး၊ရင်ဆိုင်ရဲဖို့ပဲ၊
မှန်မှန်ကန်ကန် ရင်ဆိုင်ရဲရမယ်လို့ ဆိုလိုတာ။
တခြားဘာသာဝင်တွေအနေနဲ့သူတို့ရဲ့
စာပေကျမ်းဂန်ကို သူတို့ရဲ့ ဘာသာတရား အရသူ တို့ရဲ့ဘုရားကို အားကိုးရမယ်လို့သူတို့ယုံကောင်းယုံကြလိမ့်မယ်၊ သို့သော် စိတ်ကောင်းနှလုံး
ကောင်းထားမယ်၊ ကိုယ်ကျင့်တရားကောင်းမယ်ဆိုရင်
ဘယ်ဘာသာဝင်ပဲဖြစ်ဖြစ်
ကောင်းရာသုဂတိ ရောက်ဖို့ မခဲယဉ်းဘူး။

ပါချုပ်ဆရာတော်ဘုရားကြီး ဒေါက်တာနန္ဒမာလာဘိဝံသ
“အားပေးစကား“စာအုပ်မှကော်နှုတ်ချက်

➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳
https://muditar.blog.com
www.facebook.com/muditaralinnsayadaw/
www.facebook.com/muditaralinnsayadwdham
achannallive/ တွင်လည်းဖတ်ရှူနိုင်ပါသည် ။
➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳