စိတ်ယဉ်ကျေးမှု

ဗုဒ္ဓတရားတော်များသည် စိတ်ယဉ်ကျေးမှုအတွက် အထောက်အကူဖြစ်စေသည်သာမက စိတ်ပိုင်းဆိုင်ရာ ငြိမ်းအေးမှုကိုပါပေးစွမ်းနိုင်ပါ၏။ ကိုယ်ကာယဆိုင်ရာယဉ်ကျေးမှုသိမ်မွေ့မှုအတွက်မူ ပြောစရာပင်မလိုတော့ပေ။ လူသားနှင့် သတ္တ၀ါအားလုံးတို့ ရင်ဆိုင်နေကြရသည်မှာ စိတ်ပိုင်းဆိုင်ရာ ပင်ပန်းမှု၊နွမ်းနယ်မှု၊ မသက်မသာဖြစ်မှု၊စိုးရိမ်ပူပန်မှု၊ ၀မ်းနဲကြေကွဲမှုစသည်ဖြင့်စိတ်ပိုင်းဆိုင်ရာ အခက်အခဲများ-နေ့စဉ်ဘ၀မှာမကျော်နိုင်မလွှားနိုင် ရင်ဆိုင်နေကြရလေသည်။ယင်းစိတ်ခံစားမှုများသည် အကောင်းအဆိုးဒွန်တွဲလျက်ရှိနေပေရာ အကောင်းဘက်၌ ပြဿနာဟုဆိုဖွယ်ရာ မရှိလှသော်လည်းအဆိုးနှင့်တွေ့ကြုံလာရလျှင်မူ ပင်ပန်းဆင်းရဲစွာဖြင့် ယောက်ယက်ခတ် ပျာယာခတ် မနေတတ်မထိုင်တတ် စားမ၀င် အိပ်မပျော်လောက်အောင်အထိဖြစ်လေ့ရှိကြသည်။ ယင်းပူလောင်စူးရှခါးသက်လှသည့် စိတ်အနာတရ အပူဓာတ်တွေလျော့ကျရေးအတွက် အိုဇုန်းလွှာပေါက်၍ အပူလှိုင်းများကျရောက်မှုကို ကာကွယ်ဖို့အတွက်Global-warming အကြောင်း အဖြေရှာဆွေးနွေးခြင်းဖြင့်လည်း စိတ်အပူဓာတ်လျော့ကျနိုင်မည်မဟုတ်ပေ။သို့သော် အဖြေကဗုဒ္ဓရှင်တော် ဖော်ထုတ်ထားခဲ့ပြီးဖြစ်ပါ၏။ ယင်းအဖြေရလတ်တွေကို အကောင်အထည် မဖော်ဆောင်နိုင်ခြင်းသည်သာ အဓိကပြဿနာတစ်ရပ်ဖြစ်နေသည်ကို တွေ့ရသည်။

အကောင်အထည်ဖော်ဆောင်နိုင်ရေးအတွက် လက်တွေ့ကျကျဗုဒ္ဓချမှတ်ခဲ့သည့် စည်းကမ်းနည်းလမ်းတို့ကို လိုက်နာကျင့်သုံးခြင်းသည် Mental-warming လျော့ချရေးအတွက်အဓိက သော့ချက်ဖြစ်ပါ၏။ဗုဒ္ဓသည်လမ်းစဉ်ကို မလိုက်နာနိုင်လောက်အောင်အထိလမ်းစဉ်ပေါင်း မြောက်များစွာ ချမှတ်ထားခဲ့သည်မဟုတ်။ တစ်ခုတည်းသောလမ်းစဉ်ကိုသာ ချမှတ်ခဲ့ပါ၏။ ယင်းတစ်ခုတည်းသောလမ်းစဉ်သည် မဂ္ဂင်လမ်းစဉ်ဖြစ်ပါ၏။ ဘက်မလိုက်သည့်လမ်းစဉ်ဖြစ်ပါ၏။ အကောင်းဘက်ချည်းသာယာမက်မောမှုနှင့် အဆိုးဘက်ချည်းစိတ်မကျေနပ်မှုတို့ကို ရှောင်ကြဉ်လျက် အလယ်လမ်းကမျှတသော အယူအဆ၊မျှတသောအတွေးအခေါ်၊ မျှတသောစကားအပြောအဆို၊မျှတသောအပြုအမူ၊ မျှတသောအသက်မွေးဝမ်းကြောင်း၊မျှတသော ကြိုးစားလုပ်ဆောင်မှု၊မျှတသောသတိ၊ မျှတသောတည်ကြည်ခိုင်ခံ့မှုတို့ဖြင့် ပေါင်းစပ်ထားအပ်သော လမ်းကောင်းလမ်းမြတ်သာဖြစ်ပါ၏။ မျှမျှတတ တွေးတတ် ယူဆတတ်ပြောတတ်ဆိုတတ် နေထိုင်တတ် လုပ်ကိုင်တတ်အောင် လုံ့လ၀ီရိယလိုအပ်ပါ၏။ ကြောင့်ကြစိုက်မှုပင်ဖြစ်ပါ၏။ အကောင်းလား အဆိုးလား၊အပြစ်ကင်းလားမကင်းလား၊အကျိုးရှိလား အကျိုးမဲ့လား၊လိုရင်းပြောရလျှင်ကုသိုလ်လား အကုသိုလ်လားခွဲခြားသိတတ်သည့်သတိလည်း အစဉ်ရှိဖို့လိုအပ်ပါ၏။ကောင်းလျှင်လိုက်စား မကောင်းလျှင်ရှောင်ရှားဖို့အတွက် ထားရှိရမှာသည် သတိသာဖြစ်ပါ၏။ယင်းသတိ လက်လွတ်ခဲ့ပါမူ မှန်လို့မှန်မှန်း၊မှားလို့မှားမှန်း၊ကုသိုလ်မှန်း အကုသိုလ်မှန်းပင် မသိနိုင်အောင် တွေဝေသွားတတ်ပါ၏။ သို့ဖြစ်၍ ကုသိုလ်ဆိုင်ရာ အရပ်ရပ်ကိုသတိဖြင့် အစဉ်စောင့်ရှောက်ထားဖို့သည် အဓိကအကျဆုံးဖြစ်ပါ၏။ယင်းသို့ အစဉ်စောင့်သိနေသူအဖို့ ကုသိုလ်ဖြစ်ရေးအတွက်အခက်အခဲမရှိ၊ စိတ်ကောင်းစိတ်မြတ်သည်အလိုလို တည်ပြီးဖြစ်နေတော့၏။လူတော်လူကောင်းစိတ်ဓာတ် တည်ကြည်ပြီးဖြစ်နေတော့၏။

ဤသည်မှာအခြေခံကျသော မဂ္ဂင်ရှစ်ပါး အကျင့်တရားများဖြစ်ပါ၏။နည်းနည်းလိုက်နာနိုင်က နည်းနည်းကောင်းကျိုးရ၍များများလိုက်နာနိုင်က များများကောင်းကျိုးရမည်သာဖြစ်ပါ၏။ထို့ကြောင့် တစ်ဆင့်ချင်းတက်၍တက်၍ လိုက်နာသွားသူအဖို့ ငြိမ်းချမ်းရေးဘ၀ဆီသို့ တရိပ်ရိပ်တက်၍ တက်၍ သွားမည်မှာ လက်တွေ့ကျင့်သုံးကြည့်မိက လက်တွေ့သိမြင်သဘောပေါက်လာမည်သာဖြစ်ပါ၏။ ဗုဒ္ဓတရားတော်များကို လိုက်နာမိသောကြောင့် ဆင်းရဲဒုက္ခရောက်ရသည်ဟူ၍ ဘယ်တော့မှမရှိ။ လိုက်နာနိုင်သူမှာ ချမ်းသာသုခတစ်မျိုးပြီးတစ်မျိုး တိုးတက်၍ရလာမည်သာဖြစ်ပါ၏။အထူးသဖြင့် စိတ်ပိုင်းဆိုင်ရာ ချမ်းသာမှုဖြစ်ပါ၏။ ဘ၀ငြိမ်းချမ်းရေးအတွက် ဖြစ်ပါ၏။ခြုံ၍ ပြောရလျှင် ကုသိုလ်ရရေးအတွက်ဖြစ်၏။ကုသိုလ်ရသည်နှင့် အကုသိုလ် အလိုလိုကင်းနေမည်သာဖြစ်ပါ၏။ အကုသိုလ်သည်ပါပဓာတ်သာဖြစ်၏။ မကောင်းသောအမြူအတေတစ်မျိုးပင်ဖြစ်၏။ စိတ်ကိုလည်းမည်းညစ်စေ၏။လူကိုလည်း ဂုဏ်နိမ့်စေပါ၏။ မကောင်းသောအမြူအတေကိန်းနေသမျှ ငြိမ်းချမ်းမှုရမည်မဟုတ်။ကြောက်ရလန့်ရပူပင်ရ သောကရောက်ရ-ငြိမ်းချမ်းအေးမြမှုကင်းမဲ့သည့် ဘ၀အမောတွင်နစ်မြောနေရလျက် နစ်လို့နစ်မှန်းမသိဖြစ်နေကြရ၏။သက်သတ်ခိုးမှု ကာမေသု ဘာမဆိုပြုရဲအောင် အားပေးတတ်သည်မှာ ယင်းအမြူအတေကိန်းဝပ်နေခြင်းကြောင့်ဖြစ်ပါ၏။ ယင်းအမြူအတေကြောင့်ပင်လောကကြီး မငြိမ်းမချမ်းဖြစ်နေရ၏။ ကမ္ဘာတစ်လွှား ကြမ်းတမ်းရက်စက်မှုများ နေ့စဉ်မြင်တွေ့နေရသည်မှာ ယင်းအမြူအတေပါပဓာတ်သတ္တိများသာ ဖြစ်ပါ၏။ လောကကြီးပါပဓာတ်အားကြီးနေသည်မှာ တစ်နေ့ထက်တစ်နေ့ပိုမိုထင်ရှားလာခဲ့ပြီဖြစ်၏။ ပါပဓာတ်စီးနေသည့်လောကကြီးထဲ၌ ပုညဓာတ်ခေါ် ကုသိုလ်ဓာတ်သတ္တိများအားပျော့နေသမျှ ရုပ်လောကလည်းပူလောင်နေမည်သာဖြစ်သကဲ့သို့ နာမ်လောကလည်းပူလောင်နေမည်သာဖြစ်ပါ၏။ ပို၍ပို၍ ပူလောင်လာမည်သာဖြစ်ပါ၏။

ယင်းအပူအပင်ကင်းစင်ရေးအတွက် ဗုဒ္ဓပေးသည့် နည်းလမ်းကိုကျင့်သုံးခြင်းမှလွဲ၍ အခြားရှာတွေ့လိမ့်မည်မဟုတ်။ခန္ဓာကိုယ် ပူအိုက်သည်ကိုအဲယားကွန်းဖွင့်နေလိုက်က အေးမြစေနိုင်သော်လည်းစိတ်ပူလောင်မှုကိုမူ အဲယားကွန်းကတတ်နိုင်လိမ့်မည်မဟုတ်။ ကိုယ်ခန္ဓာပင်ပန်းလျှင် အိပ်လိုက်ကလျှင်မြန်စွာ အိပ်ပျော်သွားနိုင်သော်လည်းစိတ်ပင်ပန်းနေပါမူ အိပ်ပျော်နိုင်လိမ့်မည်မဟုတ်။ကိုယ်၏ ဆာလောင်မှုကိုအစားကျွေး၍ ငြိမ်းအေးစေနိုင်သော်လည်းစိတ်၏ဆာလောင်မှုကို ဖြည့်ဆည်းနိုင်သောအရာမည်သည် မရှိ။ယင်းသို့ မမျှမတဖြစ်နေသမျှကာလပတ်လုံးငြိမ်းအေးမှုတို့ ပျောက်ဆုံးနေမည်သာဖြစ်ပါ၏။မငြိမ်းအေးသမျှတော့ ပူပန်နေကြရမည်သာဖြစ်ပါ၏။ ယင်းအပူဓာတ်များလျော့ကျစေနိုင်ရန်အတွက် ဗုဒ္ဓ၏ မဂ္ဂင်ရှစ်ပါးအကျင့်မြတ်သည် တစ်ခုတည်းသော အတူမရှိ အတုမရှိသည့်နည်းကောင်းတစ်ရပ် ဆေးကောင်းတစ်လက်သာဖြစ်ပါ၏။ မျှတစိတ်ထားအမြင် ကျယ်နိုင်သမျှ ကျယ်ဖို့လိုအပ်လှ၏။ယင်းအမြင်မျိုးကို ပြုစုပျိုးထောင်ရင်းဖြင့်ကောင်းမြတ်သည့်အပြုအမူ အပြောအဆို အတွေးအခေါ်တို့ တိုးတက်လာမည်ဖြစ်၏။တိုးတက်လာသည်နှင့်အမျှ မမျှတသည့်စိတ်ထားအမြင်များ ကျဉ်း၍ကျဉ်း၍သွားမည်သာဖြစ်၏။ကိုယ်နှုတ်စိတ်တို့ ငြိမ်လာပြီးငြိမ်ရာမှ ငြိမ်းလာမည်သာဖြစ်ပါ၏။ ယင်းသည်ပင် ဗုဒ္ဓဘာသာတို့၏ ရည်မှန်းချက်ဖြစ်ပါ၏။ငြိမ်သက်ရာမှ ငြိမ်းချမ်းရာသို့ မြှင့်တင်နိုင်စွမ်းသည်မှာလည်း ဤအကျင့်မြတ်သာဖြစ်ပါ၏။မဂ္ဂင်အကျင့်သည် အဆင့်ဆင့် ကျင့်နိုင်သည့်အကျင့်ဖြစ်၏။ ကျင့်သမျှသည်ကုသိုလ်ရရေးအတွက်ဖြစ်၏။ သို့ဖြစ်၍ ကုသိုလ်သည်လည်းအဆင့်ဆင့် ကွဲပြားလာရ၏။ကာမကုသိုလ်ရှိ၏။ရူပကုသိုလ်ရှိ၏။ အရူပကုသိုလ်ရှိ၏။မဂ်ကုသိုလ်ရှိ၏။ မည်သည့်ကုသိုလ် လိုချင်သနည်း။ လိုချင်သည့်ကုသိုလ်ကို ကျင့်ယူရန်သာရှိပါ၏။ ကုသိုလ်မှန်သမျှငြိမ်းချမ်းအေးမြသည်သာဖြစ်ပါ၏။ သူ့အဆင့်အားလျော်စွာတန်ရာတန်ရာ ငြိမ်းချမ်းမှုကို ရရှိမည်သာဖြစ်၏။ကျင့်ဖို့သည်သာပဓာနဖြစ်၏။ နောက်ဆုံးမဂ်ကုသိုလ်အထိရောက်အောင် ကျင့်နိုင်မည်ဆိုပါကရုပ်ကြောင့် မငြိမ်မသက်ဖြစ်ရသော ဆင်းရဲပင်ပန်းမှု၊ စိတ်ပိုင်းဆိုင်ရာ နာမ်ကြောင့် မငြိမ်မသက်ဖြစ်ရသော ဆင်းရဲပင်ပန်းမှုများ ငြိမ်သက်သည်ထက်ငြိမ်သက်လာမည်ဖြစ်၏။ ငြိမ်ရာမှ အငြိမ်းဓာတ်သို့ စီးဝင်သွားလျှင် အမြိုက်ဓာတ်ခေါ်နိဗ္ဗာန်ပေါ်လာမည်ဖြစ်၏။

သို့ဖြစ်၍ မိမိသန္တာန်မှာ ပါပဓာတ်တွေ လျော့ကျရေးသည်လည်းဗုဒ္ဓဘာသာ၏အရေးဖြစ်၏။ ပုညဓာတ်တွေပွားစီးရေးသည်လည်းဗုဒ္ဓဘာသာ၏ အရေးဖြစ်၏။ပုညဓာတ်မှ အမတဓာတ်ခေါ် အမြိုက်နိဗ္ဗာန်သို့သက်ဝင်ရေးသည်လည်း ဗုဒ္ဓဘာသာ၏အရေးသာဖြစ်ပါ၏။ဤအရေးသုံးပါး အောင်မြင်ဖို့အတွက်အဓိကသော့ချက်မှာ မဂ္ဂင်အကျင့်သာဖြစ်ပါ၏။ယင်းမဂ္ဂင်အကျင့်သည် အကုသိုလ်လျှော့ချရေးအကျင့်ဖြစ်၏။ စိတ်ပိုင်းဆိုင်ရာ အပူဓာတ်လျှော့ကျစေရန်ဖြစ်၏။ ကုသိုလ်တိုးပွားရေးအကျင့်လည်းဖြစ်၏။ စိတ်ပိုင်းဆိုင်ရာ ငြိမ်းအေးစေဖို့အတွက်ဖြစ်၏။ နောက်ဆုံးသန္တိသုခနိဗ္ဗာန်ရရေး အကျင့်လည်းဖြစ်ပါ၏။

---------------------------------------------------------------------------

Website - https:///muditar.blog.com
https://www.facebook.com/muditaralinnsayadwdhamachannallive/
တွင်လည်းဖတ်ရှူ နိုင်ပါသည် ။
--------------------------------------------------------------------------