ဖြစ်ချင်တာဖြစ် စိတ်မညစ်နဲ့

လူအများစုဟာ ကိုယ်လိုချင်တာ မရဘူး ကိုယ်ဖြစ်ချင်တာ မဖြစ်ဘူးဆိုရင် အလွယ်တကူလည်း စိတ်ညစ်တတ်တယ် အပြင်းအထန်လည်း စိတ်ညစ်တတ်တယ်။ ကိုယ်မရတာ ကိုယ်မဖြစ်တာကိုပဲ ထပ်တလဲလဲ တွေးပြီး ကိုယ့်စိတ်ကို ညှဉ်းဆဲနေတတ်တယ်။

လူရယ်လို့ဖြစ်လာရင် ပစ္စည်းဥစ္စာလည်း ပြည့်စုံချင်တယ်။ အခြံအရံလည်း ပေါများချင်တယ်။ အချီးအမွမ်းလည်း ခံယူချင်တယ်။ ကိုယ်စိတ်နှစ်ပါးလည်း ချမ်းသာချင်တယ်။ ဒါပေမယ့် တစ်ခါတစ်ရံ ကိုယ့်မှာ အဲဒါတွေအားလုံး ဒါမှမဟုတ် တချို့မပြည့်စုံဘူး။ အဲဒီအခါ မပြည့်စုံတဲ့အချက်တွေကို တွေးပြီး စိတ်ညစ်နေမယ် စိတ်ဆင်းရဲနေမယ် ဟိုလူဒီလူကို အပြစ်ဖို့နေမယ်ဆိုရင် ကိုယ်ဟာ စိတ်ဓာတ် ပျော့ညံ့တဲ့သူ လောကဓံခံနိုင်ရည် မရှိတဲ့သူ ဖြစ်သွားမယ်။

လောကမှာ အဆိုးလောကဓံတွေနဲ့ တွေ့ကြုံချင်တဲ့လူရယ်လို့ တစ်ယောက်မှ မရှိပါဘူး။ ဒါပေမယ့် အနည်းနဲ့အများဆိုသလို တစ်ချိန်မဟုတ် တစ်ချိန်မှာ တွေ့ကြုံနေကြရတာချည်းပါပဲ။

အဲဒီလို တွေ့ကြုံလာတဲ့အခါမှာ မတုန်မလှုပ် ခံနိုင်ရည်ရှိဖို့ လိုပါတယ်။ စိတ်ညစ်နေ စိတ်ဆင်းရဲနေ ဟိုလူဒီလူကို အပြစ်ဖို့နေလို့ အဆိုးလောကဓံက ပျောက်ပျက်မသွားတဲ့အပြင် တစ်ပူအပေါ်နှစ်ပူဆင့်ပြီး ဆိုးသထက်ဆိုးလာဖို့ ဆိုးတွင်းနက်သွားဖို့ပဲ ရှိပါတယ်။

တကယ်တော့ အကောင်းလောကဓံတွေနဲ့ချည်း တွေ့ကြုံနေရတဲ့လူ အဆိုးလောကဓံတွေနဲ့ချည်း တွေ့ကြုံနေရတဲ့လူရယ်လို့ လောကမှာ မရှိပါဘူး။ အခြေအနေ အချိန်အခါအားလျော်စွာ အကောင်းလောကဓံရော အဆိုးလောကဓံရော ရောနှောပေါင်းစပ်ပြီး ခံစားနေကြရတာပါ။

အကောင်းလောကဓံ ပိုများတဲ့လူ အဆိုးလောကဓံ ပိုများတဲ့လူရယ်လို့တော့ ရှိမှာပေါ့။ ဒါကလည်း ကိုယ့်ကံရဲ့အကျိုးကို ကိုယ်ခံစားရတာပါ။ ကောင်းကံများမျာုးပြုခဲ့တဲ့လူက အကောင်းလောကဓံနဲ့ ပိုများများတွေ့ကြုံရပြီး ဆ်ုးကံများများ ပြုခဲ့တဲ့လူက အဆိုးလောကဓံကို ပိုများများခံစားရမှာပါပဲ။ ဘယ်သူမပြု မိမိမှုပါ။

အဆိုးလောကဓံနဲ့ တွေ့ကြုံလာရင် ငါ့ရဲ့ ကံဆိုးတွေ အကျိုးပေးတာပဲလို့ နှလုံးသွင်းပြီး စိတ်ဖြေသင့်ပါတယ်။ အဆိုးလောကဓံအပေါ် စိတ်ဆင်းရဲမှု မကျေနပ်မှုတွေနဲ့ တုံ့ပြန်ပြီး အချိန်မဖြုန်းနေပဲ ကိုယ်လုပ်စရာရှိတဲ့ အလုပ်ကိုပဲ အရှိန်အဟုန်မပျက် ဆက်လုပ်သင့်ပါတယ်။ အဆိုးလောကဓံက ကိုယ့်ရဲ့အလုပ်ကို အတိုင်းအတာတစ်ခုအထိ အရှိန်တန့်သွားစေတယ်ဆိုရင်လည်း ရှိသလောက် အရှိန်ပမာဏနဲ့ပဲ လုပ်ခွင့်ရသလောက် ဆက်လုပ်နေသင့်ပါတယ်။ အဆိုးလောကဓံကြောင့် ကိုယ်လုပ်နေမြဲ အလုပ်ကို ရပ်တန့်မပစ်သင့်ပါဘူး။

ကိုယ်တွေ့ကြုံနေရတဲ့ အဆိုးလောကဓံကို အကောင်းဘက်ကနေ လှည့်တွေးတတ်မယ် ဆိုရင်လည်း စိတ်ချမ်းသာမှုကို ရရှိနိုင်ပါတယ်။ ဥပမာ-လူပျိုကြီး ဖြစ်ရတာကို အခြံအရံမရှိခြင်း (အယသ) အဆိုးလောကဓံနဲ့ တွေ့ကြုံနေရတယ်လို့ ယူဆနေတယ်ဆိုပါစို့။

"သြော်… ငါ့ဘဝ လူပျိုကြီးဖြစ်ရတာ ကံကောင်းလိုက်တာ အိမ်ထောင်သာကျခဲ့ရင် မိန်းမဒုက္ခ သားသမီးဒုက္ခတွေ ခုလောက်ဆို တစ်သီကြီး ခံစားနေရပြီ ယောက္ခမဒုက္ခ ယောက်ဖဒုက္ခတွေလည်း အဆစ်ပါချင် ပါလာဦးမှာ အခုတော့ ဒီဒုက္ခတွေကင်းလို့ ချမ်းသာလိုက်တာ -

"သွားချင်ရာသွား လုပ်ချင်ရာလုပ်နဲ့ လွတ်လပ်လိုက်တာ လှူစရာရှိလည်း မငဲ့မကွက် လှူနိုင်တယ်။ တရားနာစရာ တရားထိုင်စရာရှိလည်း နောက်ဆံမတင်းပဲ ထိုင်နိုင်တယ်။ ခုနေတုန်း ဘုန်းကြီးဝတ်မယ်ဆိုရင်လည်း ချက်ချင်းဝတ်လို့ရတယ်။ ဟန်ကျလိုက်တာ ငါ့ဘဝ အရတော်လေခြင်း"လို့ အဲဒီလို နှလုံးသွင်းလိုက်မယ်ဆိုရင် လူပျိုကြီးဖြစ်နေရတဲ့ ကိုယ့်ဘဝကို ကျေနပ်နှစ်သက်ပြီး စိတ်ချမ်းသာလာမှာပါ။

အဲဒီလိုမှ အကောင်းဘက်ကနေ နှလုံးမသွင်းတတ်ဘူးဆိုရင်တော့ "အထီးကျန်ဘဝမို့ အကျည်းတန်လှပါတယ် အမေရဲ့"ဆိုပြီး အမြဲတမ်းစိတ်ဆင်းရဲနေမှာပါ။ သီတင်းကျွတ်တိုင်း မျက်ရည်ဝိုင်းရတာဟာ အဆိုးလောကဓံကို အကောင်းတွေးစိတ်ဓာတ်တွေနဲ့ ခံနိုင်ရည်မရှိလို့ပါ။

လောကမှာ ဘယ်အရာမှ မတည်မြဲဘူးဆိုတဲ့ အချက်ကို နက်နက်နဲနဲသဘောမပေါက်ရင် အဆိုးလောကဓံတွေကို ခံနိုင်ရည်ရှိဖို့ သိပ်မခက်ခဲလှပါဘူး။ "အခုဆိုးနေပေမယ့် အချိန်တန်ရင် ကောင်းလာမှာပါ ဘာမှ မမြဲတဲ့လောကကြီးမှာ အဆိုးလောကဓံတွေကလည်း မမြဲပါဘူး။ မုန်တိုင်းထန်ပြီးရင် လေပြေလေညှင်း တိုက်ခတ်လာပါလိမ့်မယ်။ ဘာမှ တွေးပူမနေနဲ့"လို့ ကိုယ့်ကိုယ်ကို အားပေးလိုက်ရုံပါပဲ။

"ဖြစ်ချင်တာဖြစ် စိတ်မညစ်နဲ့ တောင်တွေးမြောက်တွေး စိတ်မလေးနဲ့ တောင်ကြံမြောက်ကြံ မပူပန်နဲ့ လူမှန်သမျှ ထိုက်တန်သောအကျိုးကို ရမည်သာ" ဆိုတဲ့ သဘာဝဆောင်ပုဒ်ကလေးဟာ အဆိုးလောကဓံတွေနဲ့ တွေ့ကြုံနေရသူတွေကို အပြုံးမပျက် ခံနိုင်ရည်ရှိစေတဲ့ စိတ်အားဖြည့် ဆောင်ပုဒ်ကလေးပါပဲ။

တတ်သမျှ စွမ်းသမျှ အမျိုးမျိုးနှလုံးသွင်းတဲ့ကြားက စိတ်ညစ်နေသေးတယ် စိတ်ဆင်းရဲနေသေးတယ် ဆိုရင်တော့ အဖြစ်အပျက်ကို အာရုံမပြုပဲ စိတ်ကိုအာရုံပြုပြီး "စိတ်ညစ်တယ် စိတ်ညစ်တယ်" "စိတ်ဆင်းရဲတယ် စိတ်ဆင်းရဲတယ်"လို့ သတိပဋ္ဌာန်ဝိပဿနာနည်းကျ ထပ်ခါထပ်ခါ ရှုမှတ်နေလိုက်ရပါမယ်။

သတိ သမာဓိ ဥာဏ်အားကောင်းလာတာနဲ့အမျှ စိတ်ရဲ့သဘာဝ စိတ်ရဲ့ဖြစ်ပျက်တွေကို တွေ့မြင်လာပြီး စိတ်ညစ်တာ စိတ်ဆင်းရဲတာတွေလည်း တဖြည်းဖြည်းနဲ့ လုံးဝပျောက်ကင်းသွားပါလိမ့်မယ်။ ငြိမ်းအေးလှတဲ့ တရားအရသာနဲ့အတူ စိတ်ချမ်းသာမှုကိုလည်း အပြည့်အဝ ခံစားလာရပါလိမ့်မယ်။

စိတ်ထားတတ်ခြင်း တရားမှတ်ခြင်းကြောင့် လိုချင်တာမရတဲ့ အဆိုးလောကဓံ ဖြစ်ချင်တာ မဖြစ်တဲ့ အဆိုးလောကဓံ မလိုချင်တာရတဲ့ အဆိုးလောကဓံ မဖြစ်ချင်တာ ဖြစ်တဲ့ အဆိုးလောကဓံတွေကို မတုန်မလှုပ် ခံနိုင်ရည်ရှိသွားပြီဆိုရင် ငြိမ်းအေးသော ဘဝပိုင်ရှငိဖြစ်ပါပြီ။

အရှင်ဆန္ဒာဓိက [ ရွှေပါရမီတောရ ]

https://muditar.blog.com
www.facebook.com/muditaralinnsayadaw/
www.facebook.com/muditaralinnsayadwdham
achannallive/ တွင်လည်းဖတ်ရှူနိုင်ပါသည် ။